අග්නිදිග ආසියාවේ නව කොරෝනා වෛරසය පැතිරීම පාලනය කිරීම සඳහා ඉතා කඩිනමින් පියවර ගත යුතු බව ලෝක සෞඛ්ය සංවිධානය පවසයි.
කොරෝනා වෛරස් වසංගතයේ අපිකේන්ද්රය බවට මේ වන විට යුරෝපා කලාපය පත්ව ඇති අතර ඒ සමඟ යුරෝපා සංගමයට අයත් රටවල සියලු බාහිර දේශ සීමා වසා දමා තිබේ.
නව කොරෝනා වෛරසය හේතුවෙන් ලොවපුරා මියගිය සංඛ්යාව මේ වන විට 7,965ක්.
පසුගිය දෙසැම්බර් මාසයේ චීනයේ වූහාන් නගරයෙන් ලොවපුරා ව්යාප්තිය ආරම්භ වූ නව කොරෝනා වෛරසය අද වන විට පුද්ගලයන් එක්ලක්ෂ අනූදහසකට වැඩි පිරිසක් ගොඳුරු කරගනිමින් රටවල් 165 ක් පුරා පැතිර පවතින අතර පුද්ගලයන් 7,965 දෙනෙකු මියගොස් තිබේ.
චීනයෙන් ආසාදිතයන් 81,151 දෙනකු හඳුනා ගැනුණු අතර ඉන් 3,237 දෙනකු මියගොස් තිබේ.
ඊයේ දිනයේදී එරටින් හමුවුණේ ආසාදිතයන් 13දෙනෙක් පමණක් වන අතර අලුතින් මරණ 11ක් වාර්තාවී තිබුණි.
වෛරසයේ බලපෑම පහල වැටීමත් සමඟ එරට ජන ජීවිතය සාමාන්ය අතට පත්වෙමින් ඇති බවද විදෙස් වාර්තා සඳහන් කළේය.
අද වනවිට නව කෙරෝනා ව්යාප්තියේ කේන්ද්රස්ථානය බවට යුරෝපානු කලාපය පත්ව තිබේ.
ඉතාලිය ඉන් වැඩිම බලපෑමට ලක් වූ රට වන අතර ගෙවුණු පැය 24 තුළ එරටින් කොරෝනා මරණ 345 ක් වාර්තා වී ඇත්තේ මුළු මරණ ගණන 2503 දක්වා ඉහළ නංවමින්.
එය ඊයේ දිනයට සාපේක්ෂව සියයට 16ක වැඩිවීමක්.
එරටින් හමුවූ ආසාදිතයන් සංඛ්යාව අද වන විට තිස් එක්දහස ඉක්මවයි.
