චීනයෙන් පිටත නව කොරෝනා වෛරසයේ වැඩිම බලපෑම ඉතාලියට එල්ල වී තිබේ.
ඉතාලිය තුළ මේ වන විට වෛරස ආසාදනයෙන් මියගිය සංඛ්‍යාව 1,016 ක් වන අතර ආසාදිතයන් පහළොස්දහස් එකසිය දහතුන් දෙනෙකු වාර්තාවී තිබේ.
ගතවූ පැය 24 තුළදී ඉතාලියෙන් නව කොරෝනා මරණ 189ක් වාර්තාවී තිබුණි..
ඒ එරටින් දිනක් තුළදි වාර්තාවූ වැඩිම මරණ සංඛ්‍යාවයි.
මැදපෙරදිග කලාපය තුළ නව කොරෝනා වෛරසයෙන් වැඩිම බලපෑමට ලක්වූ රාජ්‍යය වන ඉරානයෙන් ගතවූ පැය 24 තුළදී මරණ 75ක් වාර්තාවී තිබෙන්නේ සමස්ත මරණ සංඛ්‍යාව 429 දක්වා ඉහළ දමමින්.
එමෙන්ම ආසාදිතයින් සංඛ්‍යාව 10 000 ඉක්මවා තිබේ.
මේ අතර කටාර් රාජ්‍යය, අමෙරිකාව ඇතුළු රටවල් කිහිපයකින්ම ඊයේ දිනයේදීද නව කොරෝනා වෛරස මරණ වාර්තාවී තිබුණි.
පවතින තත්ත්වය සැලකිල්ලට ගනිමින් පාසැල් වසා දැමීමට හා විශාල වශයෙන් සෙනග රැස්වන සංස්කෘතික හා ක්‍රීඩා ඉසව් අවංලගු කිරීමට ප්‍රංශය, ඊශ්‍රායලය, පෘතුගාලය, අමෙරිකාව ඇතුළු රටවල් රැසක්ම මේ වන විට පියවර ගෙන තිබේ.
