නව කොරෝනා වෛරසය ආසාදනය වූ බවට මෙරටදී හඳුනාගත් පළමු ශ්රී ලාංකිකයා මේ වනවිට අංගොඩ ජාතික බෝවන රෝග විද්යාතනයේ ප්රතිකාර ලබයි.
මෙලෙස ශ්රී ලංකාව තුළදීම ආසාදිතයෙකු හමුවුණේ චීනයේ වූහාන්හි වෛරස ව්යාප්තියෙන් දින 71කට පසුවයි.
ඔහු ඉතාලි බස කතාකරන මාර්ගෝපදේශකයෙක්.
නව කොරෝනා වෛරසය ආසාදනය වූ බවට මෙරටදී හඳුනාගත් පළමු ශ්රී ලාංකිකයා මේ වනවිට ප්රතිකාර ලබන්නේ අංගොඩ ජාතික බෝවන රෝග විද්යාතනයේයි.
මත්තෙගොඩ පදිංචි ජයන්ත රණසිංහ මහතා ඉතාලි බස කතාකරන සංචාරක රියදුරු මාර්ගෝපදේශක කථිකාචාර්යවරයෙක්.
ඔහු අවසන් වරට මගපෙන්වා ඇත්තේ ඉකුත් 03 වැනිදා සිට මෙරට සංචාරයක නිරත වූ ඉතාලි ජාතිකයින් සිව්දෙනෙකුටයි.
3 වැනිදා සිට 8 වැනිදා දක්වා සීගිරිය, පොළොන්නරුව සහ මහනුවර ප්රදේශවල සංචාරය කර තිබෙන ඔවුන් එම ප්රදේශවල හෝටල් කිහිපයකම නවාතැන් ගෙන තිබේ.
ඉතාලි ජාතිකයින් සිව්දෙනා කටුනායක ගුවන් තොටුපළට ඇරලවූ ජයන්ත රණසිංහ මහතා පසුව මත්තේගොඩ පිහිටි තම නිවසට ද පැමිණ ඇත.
දෙදරු පියෙකු වන 52 හැවිරිදි ජයන්ත මහතා අසනීප තත්ත්වයෙන් රෝහල් ගතකර තිබුණේ, පසුගිය 9 වැනිදායි.
ජයන්ත රණසිංහ මහතා සාමාජිකත්වය දරන රියදුරු සංචාරක මාර්ගෝපදේශක කථිකාචාර්ය සංගමය සෙසු සාමාජිකයින්ට අද එස්.එම්.එස්. පණිවිඩියක් යොමුකර ඇත.
එහි දැක්වෙන්නේ, ජයන්ත මහතා ඇතුළු ඉතාලි ජාතිකයින් නවාතැන් ගත් හෝටල්වල රැඳී සිටියේ නම් කඩිනමින් සෞඛ්ය පරීක්ෂණ සඳහා යොමු වන ලෙසයි.
අද වනවිට කොරෝනා වෛරසය බවට සැකකෙරෙන පුද්ගලයින් 19 දෙනෙකු දිවයිනේ රෝහල් කිහිපයකම ප්රතිකාර ලබන බව වසංගත රෝග විද්යා අංශයේ නව තොරතුරුවල දැක්වෙයි.
ඒ අතර දකුණු කොරියාව, ඉතාලිය සහ ඉරානයේ සිට පැමිණි තවත් මගීන් 100 කට වැඩි සංඛ්යාවක් මඩකලපුව සහ කන්දකාඩු නිරෝධායන මධ්යස්ථාන වෙත අදත් යොමු කෙරුණි.
නිරෝධායන මධ්යස්ථානවලට මේ වනවිට යොමුකර ඇති සමස්ත ගණන 622 ක්.
මේ අතර ජනාධිපති මාධ්ය අංශය නිවේදනය කළේ, කොරෝනා වෛරසය ශ්රී ලංකාව තුළ ව්යාප්තවීමේ අවදානමක් පවතින හෙයින් ඉන් වැළකීම සඳහා ආරම්භ කළ වැඩපිළිවෙළට සහාය දෙන ලෙසයි.
කොරෝනා වෛරසය ඇතුළු තවත් වෛරස වර්ග කෙටි කාලයක් තුළ හඳුනාගැනීමේ පී.ආර්.සී.යන්ත්රයක් අග්රාමාත්ය මහින්ද රාජපක්ෂ මහතා විසින් සෞඛ්ය අමාත්ය පවිත්රා වන්නිආරච්චි මහත්මිය වෙත භාරදීම අද සිදුකෙරුණි.
මෙය අග්රාමාත්යවරයා වෙත ලැබුණු පෞද්ගලික ත්යාගයක් වන නමුත් කාලීන අවශ්යතාව සලකා එය සෞඛ්ය අමාත්යාංශය වෙත භාරදී ඇත.
මේ අතර විදේශ සේවා නියුක්ති කාර්යාංශය නිවේදනය කළේ මැදපෙරදිග,ආසියානු හා යුරෝපීය රටවල රැකියා සඳහා පිටත්වීම තාවකාලිකව කල් දැමීම සුදුසු බවයි.
