උණුසුම් පුවත්
පළාත් සභා සියල්ල පොදු සම්මුතියක් යටතේ ක්‍රියාත්මක විය යුතුයි
May 06, 201704:30 PM
ජාතික සංවර්ධන ඉලක්ක සපුරා ගැනීමට නම් පළාත් සභා කටයුතුවල විධිමත් භාවයක් තිබිය යුතු මෙන්ම රජය සහ පළාත් සභා අතර සහයෝගය ද වර්ධනය විය යුතු බව ජනාධිපති මෛත්‍රීපාල සිරිසේන මහතා පවසයි.
ජනාධිපතිවරයා පෙන්වා දෙන්නේ පළාත් සභා සියල්ල පොදු සම්මුතියක් යටතේ ක්‍රියාත්මක විය යුතු බවය.
හබරණ ප්‍රදේශයේ පැවැති 33 වෙනි ප්‍රධාන අමාත්‍ය සමුළුව අමතමින් ජනාධිපතිවරයා ප්‍රකාශ කළේ කාර්යක්ෂම ජනතා සේවයක් සැපයීමට මහජන නියෝජිතයින් බැදී සිටින බවය.
මෙවර ප්‍රධාන අමාත්‍ය සමුළුවේ සභාපතීත්වය උතුරු මැද පළාත් ප්‍රධාන අමාත්‍ය පේෂල ජයරත්න මහතා විසින් මෙහෙය වූ අතර මීළඟ සමුළුව පැවැත්වෙන වයඹ පළාත් ප්‍රධාන අමාත්‍ය ධර්මසිරි දසනායක මහතා වෙත මෙහිදී සභාපතීත්වය පිරිනැමිණි.
