උණුසුම් පුවත්
මැයි රැළියට පැමිණි දෙදෙනෙක් හදිසියේ මිය ගිහින්!
May 01, 201709:05 PM
ඒකාබද්ධ විපක්ෂයේ මැයි දින රැළියට සහභාගිවූ ආධාරකරුවන් දෙදෙනෙකු හදිසි රෝගාතුරු තත්ත්වයක් හේතුවෙන් රෝහලට ඇතුළත් කිරීමේදී ජීවිතක්ෂයට පත්ව තිබේ.
කොළඹ, ජාතික රෝහලේ අධ්‍යක්ෂ වෛද්‍ය අනිල් ජාසිංහ මහතා කියා සිටියේ මොවුන් දෙදෙනා රෝහළට ඇතුළත් කරනවිටත් මරණයට පත්ව සිටි බවයි.
දෙදෙනාගේ මෘත දේහ දැනට රෝහලේ පවත්නා බවත්, පශ්චාත් මරණ පරීක්ෂණයෙන් අනතුරුව මරණය සිදුව ඇත්තේ කෙසේද යන්න අනාවරණය කරගත හැකි බවත් හෙතෙම අද දෙරණට කියා සිටියේය.
මියගොස් ඇත්තේ රත්නපුර ප්‍රදේශයේ පදිංචිව සිටි 62 හැවිරිදි පුද්ගලයෙකු සහ මහනුවර ප්‍රදේශයේ පදිංචිව සිටි 80 හැවිරිදි පුද්ගලයෙකි.
