වල්ලපට්ටා සමඟ ඉන්දියානුවන් 2 ක් දැලේ
April 29, 2017 03:22 pm
වල්ලපට්ටා තොගයක් සමඟ ඉන්දීය ජාතිකයින් දෙදෙනෙකු කටුනායක ගුවන් තොටුපළේදී අත්අඩංගුවට ගෙන තිබේ.
යූ.එල්. 121 දරණ ගුවන්යානයෙන් ඉන්දියාවේ චෙන්නායි නුවර බලා යාමට පැමිණි ඉන්දීය ජාතිකයින් දෙදෙනෙකු මෙලෙස අත්අඩංගුවට ගත් බව රේගු මාධ්‍ය ප්‍රකාශක ධර්මසේන කහඳව මහතා සඳහන් කරයි.
මොවුන්ගේ ගමන් මලු තුළ සඟවා තිබූ වල්ලපට්ටා කිලෝග්‍රෑම් 50 ක් රේගු නිලධාරින් භාරයට ගෙන තිබේ.
ඒවායේ වටිනාකම රුපියල් ලක්ෂ 20 ක් පමණ වන බව රේගු මාධ්‍ය ප්‍රකාශක ධර්මසේන කහඳව මහතා සඳහන් කළේ ය.
වල්ලපට්ටා තොගය රේගු නිලධාරීන් විසින් රාජසන්තක කර ඇති අතර සැකකරුවන්ට දඩ නියම කිරීමට නියමිතව ඇති බව වාර්තා වෙයි.
