ඉරානය සහ ඇමරිකා එක්සත් ජනපදය අතර සටන් අවසන් කිරීම සඳහා එකඟතාවකට පැමිණීම අවසන් අදියරට පැමිණ ඇති බවත්, එහි කොටසක් ලෙස හෝමුස් සමුද්ර සන්ධිය නැවත විවෘත කිරීම පිළිබඳ අවධානය යොමුව ඇති බවත් ඉරාන විදේශ අමාත්ය අබ්බාස් අරාග්චි පවසයි.
රාජ්ය රූපවාහිනියට අදහස් දක්වමින් ඔහු සඳහන් කළේ, ඉරානයට එරෙහිව පනවා ඇති එක්සත් ජනපද අවහිර කිරීම් ඉවත් කිරීම ද මෙම ගිවිසුමට ඇතුළත් වන අතර, ඉරානයේ න්යෂ්ටික වැඩසටහන සම්බන්ධ සාකච්ඡා පසුව ආරම්භ කිරීමට නියමිත බවය.
කෙසේ වෙතත්, ගිවිසුමේ ඇතැම් කරුණු එක්සත් ජනපද නිලධාරීන් විසින් තහවුරු කර ඇති අතර, ඉරානයට ලබාදෙන ආර්ථික සහන එරට ගිවිසුම්ගත බැඳීම් ඉටුකිරීම මත රඳා පවතින බව ඔවුන් පෙන්වා දී තිබේ.
ඉරානයට එක්සත් ජනපදය සහ ඊශ්රායලය එල්ල කළ ප්රහාර මාලාවක් සමඟ මේ වසරේ පෙබරවාරි 28 වෙනිදා මෙම ගැටුම ආරම්භ වූ අතර, ඊට ප්රතිචාර ලෙස ඉරානය ඊශ්රායලයට සහ ගල්ෆ් කලාපයේ අමෙරිකානු මිත්ර රටවලට ප්රහාර එල්ල කළේය. එමෙන්ම ලෝකයේ තෙල් සහ ද්රව ස්වාභාවික වායු ප්රවාහනය සඳහා අතිශය වැදගත් මාර්ගයක් වන හෝමුස් සමුද්ර සන්ධියද වසා දැමුණි.
අප්රේල් මාසයේදී සටන් විරාමයකට එකඟතාවක් ඇති වූ නමුත්, ඉන් පසුවද දෙපාර්ශ්වය අතර වරින් වර ප්රහාර සහ වෙඩි හුවමාරු සිදුවී තිබුණි.
මේ අතර, අමෙරිකානු ජනාධිපති ඩොනල්ඩ් ට්රම්ප් ප්රකාශ කළේ, සාකච්ඡාකරුවන් “ඉතා හොඳ විසඳුමක්” වෙත ළඟා වී ඇති බැවින්, ඉරානයට එරෙහිව “සැලසුම් කර තිබූ ප්රහාර” අවලංගු කළ බවය. ගිවිසුම ඉක්මනින් අත්සන් කිරීමට හැකි වනු ඇතැයිද ඔහු සඳහන් කළේය.
එහෙත්, ඊයේ (12) දින ඉරාන මාධ්ය වාර්තා කළ ගිවිසුමේ කරුණු කිහිපයක් සම්බන්ධයෙන් ට්රම්ප් ප්රතිචාර දක්වමින් සඳහන් කර ඇත්තේ, ඒවා “එකඟ වූ කොන්දේසි සමඟ හෝ සත්ය තත්ත්වය සමඟ කිසිදු සම්බන්ධයක් නොමැති” බවය.
