ශිරාන් බාසික් ඩුබායිහිදී අත්අඩංගුවට
May 26, 2026 03:58 pm
මහා පරිමාණ මත්ද්රව්ය ජාවාරම්කරුවෙකු ලෙස සැලකෙන ශිරාන් බාසික් නැමැත්තා ඩුබායිහිදී අත්අඩංගුවට ගෙන තිබේ.
ඩුබායි ආරක්ෂක අංශ විසින් මොහුව අත්අඩංගුවට ගෙන ඇති බව පොලිස් ආරංචි මාර්ග සඳහන් කළේය.
ඉරානය මත්ද්රව්ය ජාලය සමග ඍජු සබඳතා පැවැතීම හේතුවෙන් මොහු අමෙරිකාවට පවා අවශ්යව සිටින තැනැත්තෙකු බව ද වාර්තා වේ.
එමෙන්ම මොහු ඩුබායිහි ධන ක්වේරයෙකු ලෙස සැඟව සිට ඇති බව පොලිස් ආරංචි මාර්ග සඳහන් කළේය.
ශිරාන් බාසික් මෙරටට මත්ද්රව්ය සැපයුම් සිදු කරන මහා පරිමාණ ජාවාරම්කරුවන් 5 දෙනාගෙන් එක් අයෙකු වන බව ද සඳහන්.
කෙසේවෙතත් මොහුගේ අත්අඩංගුවට ගැනීම සම්බන්ධයෙන් මෙරටට නිල වශයෙන් මේ දක්වා දැනුම්දීමක් කර නොමැත.
