ශ්රී ලංකා ක්රිකට් නව තේරීම් කමිටුව පත් කිරීමට තරුණ හා ක්රීඩා කටයුතු අමාත්ය සුනිල් කුමාර ගමගේ අනුමැතිය හිමිව තිබේ.
ඒ, 2026 මැයි 20 වන දින ශ්රී ලංකා ක්රිකට් ආයතනය විසින් කරන ලද ඉල්ලීමකට අනුවය.
සමාජිකයින් පස් දෙනෙකුගෙන් සමන්විත මෙම කමිටුවේ සභාපතිධුරය හිමිව ඇත්තේ, කපිල විජේගුණවර්ධන මහතාටය.
අමල් සිල්වා, බ්රෙන්ඩන් කුරුප්පු, වරුණ වරාගොඩ සහ වැනීසා ද සිල්වා යන මහත්ම මහත්මීන් මෙහි සෙසු සමාජිකයන් ලෙස කටයුතු කරනු ලබයි.
මෙම නව පත්වීම් හරහා ශ්රී ලංකා ක්රිකට් ක්ෂේත්රයේ ඉදිරි තේරීම් කටයුතු වඩාත් විනිවිදභාවයකින් සහ විධිමත්ව සිදුවනු ඇතැයි අපේක්ෂා කරන බව ක්රීඩා සඳහන් කරයි.
1973 අංක 25 දරන ක්රීඩා පනතේ 39 (1) වගන්තිය සහ 2025 මැයි 21 දිනැති අංක 2437/24 දරන විශේෂ ගැසට් නිවේදනය මගින් අමාත්යවරයා වෙත පැවරී ඇති බලතල ප්රකාරව මෙම නව තේරීම් කමිටු සාමාජිකයින් පත් කර ඇත.
