ත්‍රස්තවාදීන්ට මුදල් සැපයීම මැඩපැවැත්වීමේ සම්මුති (සංශෝධන) පනත් කෙටුම්පත ආණ්ඩුක්‍රම ව්‍යවස්ථාවට සම්පූර්ණයෙන්ම අනුකූල බව ශ්‍රේෂ්ඨාධිකරණය විසින් තීරණය තිබේ.
මෙම තීරණය අද (19) උදෑසන කථානායක ආචාර්ය ජගත් වික්‍රමරත්න මහතා විසින් පාර්ලිමේන්තුවට දැනුම් දුන්නේය.
ආණ්ඩුක්‍රම ව්‍යවස්ථාවේ 121 (1) වගන්තිය යටතේ ගෙන එන ලද අභියෝගයකින් පසුව ශ්‍රේෂ්ඨාධිකරණයේ තීරණය මෙලෙස ප්‍රකාශයට පත්කර ඇතැයි ද කථානායකවරයා පැවසීය.
මෙම පනත් කෙටුම්පත සමස්තයක් ලෙස මෙන්ම එහි අඩංගු එක් එක් ප්‍රතිපාදනයන් ද ආණ්ඩුක්‍රම ව්‍යවස්ථාවේ කිසිදු වගන්තියකට පටහැනි නොවන බවට අධිකරණය නිගමනය කර ඇති බව ද ඔහු වැඩිදුරටත් සඳහන් කළේය.
මේ අතර, 'මුදල් ගනුදෙනු වාර්තා කිරීමේ (සංශෝධන)' පනත් කෙටුම්පත පිළිබඳ ශ්‍රේෂ්ඨාධිකරණ තීරණය අද (19) කථානායකවරයා පාර්ලිමේන්තුවට දැනුම් දුන්නේය.
ඒ අනුව, පාර්ලිමේන්තුවේ විශේෂ බහුතරයෙන් සම්මත කළ යුතු 22 වන වගන්තිය සහ 39 වන වගන්තිය හැර, පනත් කෙටුම්පත පාර්ලිමේන්තුවේ සරල බහුතරයෙන් සම්මත කළ හැකි බව ශ්‍රේෂ්ඨාධිකරණය දැනුම් දී තිබේ.
කෙසේ වෙතත්, එම වගන්ති ද පාර්ලිමේන්තුවේ සරල බහුතරයෙන් සම්මත කළ හැකි බවද කථානායකවරයා සඳහන් කළේය.
