කොංගෝ රාජ්යයේ සහ උගන්ඩාවේ පැතිර යන ඉබෝලා වෛරස් රෝගය හේතුවෙන් ජාත්යන්තර අවධානයට ලක්වන මහජන සෞඛ්ය හදිසි අවස්ථාවක් ප්රකාශයට පත් කිරීමට ලෝක සෞඛ්ය සංවිධානය පියවර ගෙන තිබේ.
ලෝක සෞඛ්ය සංවිධානය සඳහන් කර ඇත්තේ වෛරසය පැතිර යාමත් සමගම ඊයේ (16) දින වන විට කොංගෝ රාජ්යයේ සෞඛ්ය කලාප තුනක් හරහා රසායනාගාර තුළ තහවුරු කළ රෝගීන් 8ක්, සැක සහිත රෝගීන් 246ක්, සහ සැක සහිත මරණ 80ක් වාර්තා වී ඇති බවය.
උගන්ඩාවේ සහ කොංගෝ ප්රජාතන්ත්රවාදී ජනරජයේ උගන්ඩාවේ බුන්ඩිබුජියෝ වෛරසය නිසා ඇතිවන ඉබෝලා රෝගයට අනුව කොංගෝ හී ඉටුරි හී සෞඛ්ය කලාප කිහිපයක අසාමාන්ය පොකුරු වාර්තා වී ඇති අතර ඉටුරි පළාතේ සහ උතුරු කිවු පුරා සැක සහිත රෝගීන් වාර්තා වී ඇති බවත් සඳහන් වේ.
ඊට අමතරව වෛරස් රක්තපාත උණ ඇති බවට තහවුරු කරන සායන තුළ සෞඛ්ය සේවකයින් අතර අවම වශයෙන් මරණ හතරක් බලපෑමට ලක්වූ ප්රදේශයෙන් වාර්තා වී ඇති බවත් ලෝක සෞඛ්ය සංවිධානය පෙන්වා දී තිබේ.
ලෝක සෞඛ්ය සංවිධානය අනතුරු අඟවා ඇත්තේ මෙම සිදුවීම ජාත්යන්තර රෝග පැතිරීම හරහා අනෙකුත් රාජ්ය පාර්ශ්වයන්ට මහජන සෞඛ්ය අවධානමක් ඇති කරනු ඇති බවය.
විශේෂයෙන් කොංගෝ රාජ්යයේ සිට පසුගිය මැයි 15 සහ 16 දිනවල පැමිණි උගන්ඩාවේ කම්පාලා හි තහවුරු කරන ලද රෝගීන් දෙදෙනෙකු වාර්තා වී ඇති බවත් එම රෝගීන් දෙදෙනාම කම්පාලා හී දැඩි සත්කාර ඒකකවලට ඇතුළත් කර ඇති බවත් සඳහන් කර ඇති ලෝක සෞඛ්ය සංවිධානය පැවසුවේ කොංගෝ රාජ්යයේ ගොඩබිම් දේශසීමා බෙදා ගන්නා අසල්වැසි රටවල් ජනගහන සංචලනය, වෙළෙඳාම සහ සංචාරක සම්බන්ධතා සහ අඛණ්ඩ වසංගත රෝග අවිනිශ්චිතතාවය හේතුවෙන් රෝගය තවදුරටත් පැතිර යාමේ ඉහළ අවධානමක්ද ඇති බවය.
එමෙන්ම වසංගතයේ ප්රමාණය අවබෝධ කර ගැනීම, නිරීක්ෂණය, වැළැක්වීම සහ ප්රතිචාර දැක්වීමේ උත්සාහයන් සම්බන්ධීකරණය කිරීම, මෙහෙයුම් පුළුල් කිරීම සහ ශක්තිමත් සහ පාලන පියවර ක්රියාත්මක කිරීමේ හැකියාව සහතික කිරීම සඳහා ජාත්යන්තර සම්බන්ධීකරණය සහ සහයෝගීතාව මෙම අවස්ථාවේදී අවශ්ය වන බවද ලෝක සෞඛ්ය සංවිධානය පෙන්වා දී තිබේ.
