මැදපෙරදිග යුද්ධයේ නවතම යාවත්කාලීන කිරීම් මෙතැනින්

ඊශ්‍රායලය සහ අමෙරිකාව ඒකාබද්ධව සිදුකරන ඉරානයට එරෙහි යුද මෙහෙයුම ආරම්භ කර අදට (29) දින 30ක් ගතවී ඇත.

Update - 10.20AM 

ලෙබනනයේ සිට ක්‍රියාත්මක වන හිස්බුල්ලා සංවිධානය අද උදෑසන ඊශ්‍රායලයේ උතුරු ප්‍රදේශයට ප්‍රහාර මාලාවක් එල්ල කළ බව නිල වශයෙන් ප්‍රකාශ කර ඇත.

------------------------

Update - 10.12AM 

කුවේට් ජාතික ආරක්ෂක බලකාය විසින් එරට ගුවන් සීමාවට ඇතුළු වූ ඩ්‍රෝන යානා හතරක් වෙඩි තබා විනාශ කර තිබේ.

------------------------

Update - 09.30AM 

ඉරානයේ අගනුවර වන ටෙහෙරාන් නුවර ප්‍රබල පිපිරුම් ශබ්ද කිහිපයක් ඇසී ඇති බව විදෙස් මාධ්‍ය වාර්තා කරයි.

--------------

Update - 07.30AM 

ඉරානයේ ගොඩබිම් යුද මෙහෙයුමක් සිදු කිරීමට පෙන්ටගනය සුදානම් වෙමින් සිටින බව 'වොෂින්ටන් පෝස්ට්' පුවත්පත වාර්තා කර තිබේ. 

එය සති කිහිපයක් පුරා ක්‍රියාත්මක වන දැවැන්ත මෙහෙයුමක් වනු ඇති බව එහි දැක්වෙයි. 

--------------

Update - 06.42AM 

ඉරානයේ ටෙහෙරාන්හි පිහිටා ඇති විද්‍යා සහ තාක්ෂණික විශ්වවිද්‍යාලයට ප්‍රහාරයක් එල්ලවීමත් සමඟ මැදපෙරදිග ඇති ඊශ්‍රායල - අමෙරිකා විශ්වවිද්‍යාල ඉලක්ක කරන බව ඉරාන ඉස්ලාමීය විප්ලවීය ආරක්ෂක බලකාය අනතුරු අඟවා තිබේ.