පාර්ලිමේන්තු මන්ත්රීවරුන්ට සයිබර් ආරක්ෂාව ගැන දැනුම්වත් කිරීමේ වැඩසටහනක්
March 27, 2026 12:42 pm
පාර්ලිමේන්තු මන්ත්රීවරුන් සඳහා සයිබර් ආරක්ෂාව පිළිබඳ දැනුවත්භාවය වැඩිදියුණු කිරීමේ අරමුණින් ශ්රී ලංකා සර්ට් ආයතනය ආයතනය විසින් විශේෂ වැඩසටහනක් සංවිධානය කර තිබුණි.
ජාතික පාලනයේදී ඩිජිටල් තාක්ෂණය ආරක්ෂිතව සහ වගකීමෙන් යුතුව භාවිතා කිරීමේ වැදගත්කම සැලකිල්ලට ගනිමින් මෙම වැඩසටහන පැවැත්වූ අතර, සයිබර් ආරක්ෂාව පාර්ලිමේන්තු මන්ත්රීවරුන් සඳහා අත්යවශ්ය කරුණක් බව එහිදී අවධාරණය කෙරිණි.
ඩිජිටල් වේදිකා ප්රතිපත්ති සම්පාදනය හා මහජන සන්නිවේදනය සඳහා වැදගත් භූමිකාවක් ඉටු කරන බැවින්, සංවේදී තොරතුරු හා ජාතික පද්ධති වෙත ප්රවේශය ඇති තීරණකරුවන් ලෙස මන්ත්රීවරුන් සයිබර් ප්රහාර, දත්ත සොරකම් හා දුස්තොරතුරු ව්යාප්තිය වැනි තර්ජනවලට ලක් විය හැකි බවද සඳහන් කෙරිණි.
මෙම වැඩසටහනට නියෝජ්ය කථානායක වෛද්ය රිස්වි සාලි මහතා සහ නියෝජ්ය කාරක සභා සභාපතිනි හේමලි වීරසේකර මහත්මිය ඇතුළු රජයේ හා විපක්ෂයේ පාර්ලිමේන්තු මන්ත්රීවරු රැසක් සහභාගී වූහ.
වැඩසටහන අතරතුර සයිබර් ආරක්ෂණයේ හොඳම පිළිවෙත්, ආරක්ෂිත මාර්ගගත සන්නිවේදන ක්රම, සහ අන්තර් සම්බන්ධිත ඩිජිටල් පරිසරයක ආරක්ෂිතව ක්රියා කිරීම පිළිබඳ තාක්ෂණික දැනුම ලබාදීම සිදු කෙරිණි.
තවද, ඩිජිටල් ආර්ථික අමාත්යාංශයේ ලේකම් වරුණ ශ්රී ධනපාල මහතා සහ ශ්රී ලංකා CERT හි සභාපති තිලක් පතිරගේ මහතා ද අදහස් පළ කළ අතර, වැඩබලන විධායක නිලධාරී වෛද්ය කණිෂ්ක කරුණාසේකර මහතා විසින් මන්ත්රීවරුන්ගේ ප්රශ්නවලට පිළිතුරු ලබා දෙන ලදී.
මෙම වැඩසටහන මඟින් සයිබර් ආරක්ෂාව පිළිබඳ අවබෝධය ශක්තිමත් කරගැනීමට මන්ත්රීවරුන් තුළ දැඩි උනන්දුවක් පෙන්වා තිබූ අතර, එය වර්තමාන පාලන ක්රමයේ අත්යවශ්ය අංගයක් බවද අවධාරණය කෙරිණි.
