සැකකරුවෙකු අත්අඩංගුවට ගන්න පොලීසිය මහජන සහාය පතයි

පසුගිය වසරේ දෙහිවල පොලිස් වසමේ නැදිමාල ප්‍රදේශයේ වෙළෙඳසැලක් තුළ සිදුකළ වෙඩි තැබීමකින් පුද්ගලයෙකු ඝාතනය කිරීමේ සිද්ධියකට අදාළව සැකකරුවෙකු අත්අඩංගුවට ගැනීම සඳහා පොලීසිය මහජන සහාය ඉල්ලා සිටී.

2025 මැයි 19 වන දින පැපිලියාන පාර, නැදිමාල ප්‍රදේශයේ වෙළෙඳසැලක් තුළ සිටි පුද්ගලයෙකුට යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් ගිනි අවියකින් වෙඩිතබා ඝාතනය කර ඇති බව පොලීසිය සඳහන් කරයි.

මෙම සිද්ධිය සම්බන්ධයෙන් විමර්ශන බස්නාහිර පළාත දකුණ දිසා අපරාධ විමර්ශන කොට්ඨාසය මඟින් සිදු කරමින් පවතින අතර, එහිදී වෙඩි තැබීම සිදු කළ යතුරුපැදියේ පැදිකරු ලෙස සැලකෙන සැකකරුවෙකු හඳුනාගෙන ඇත.

එම සැකකරු ලෙස හඳුනාගෙන ඇත්තේ සේනාරත්නගේ ධනංජය කෞෂල්‍ය පෙරේරා නම් පුද්ගලයෙකි. ඔහුගේ ලිපිනය ලෙස අංක 41/14, ඕබන් පෙදෙස, දෙහිවල සඳහන් වේ.

සැකකරු සම්බන්ධයෙන් කිසියම් තොරතුරක් ඇති පිරිසක් පහත දුරකථන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටී.

071-8596065 (ස්ථානාධිපති – බස්නාහිර පළාත දකුණ දිසා අපරාධ විමර්ශන කාර්යාංශය)
011-2809077 (බස්නාහිර පළාත දකුණ දිසා අපරාධ විමර්ශන කාර්යාංශය)