ලෝක වෙළෙඳපොළේ බොරතෙල් මිල ඩොලර් 113 ඉක්මවයි

මැදපෙරදිග කලාපයේ උත්සන්න වී ඇති යුදමය වාතාවරණය හේතුවෙන් ලෝක වෙළෙඳපොළේ බොරතෙල් මිල තවදුරටත් ඉහළ ගොස් ඇති බව ජාත්‍යන්තර මාධ්‍ය වාර්තා කරයි.

ඒ අනුව, වෙස්ට් ටෙක්සාස් ඉන්ටර්මීඩියෙට් (WTI) බොරතෙල් බැරලයක මිල ඩොලර් 96.90ක් ලෙස සටහන් වී ඇති අතර, අද දහවල් වනවිට බ්‍රෙන්ට් බොරතෙල් බැරලයක මිල ඩොලර් 113.70ක් ලෙස  දැක්වුණි.

කෙසේ වෙතත්, අද උදෑසන ආසියානු වෙළඳපොළ ආරම්භයේදී තෙල් මිල දැක්වු‍ණේ, බ්‍රෙන්ට් බොරතෙල් බැරලයක මිල ඩොලර් 112.00ක් ලෙසය. එය පෙර දිනයට සාපේක්ෂව 4%ක ඉහළ යාමකි.