අමෙරිකානු විශේෂ නියෝජිත සර්ජියෝ ගෝර් දිවයිනට

දකුණු සහ මධ්‍යම ආසියානු කටයුතු පිළිබඳ අමෙරිකානු විශේෂ නියෝජිත සර්ජියෝ ගෝර් 'Sergio Gor' මහතා නිල සංචාරයක් සඳහා අද (19) ශ්‍රී ලංකාවට පැමිණි බව මෙරට අමෙරිකානු තානාපති කාර්යාලය නිවේදනය කරයි.

අද සිට මාර්තු 24 වනදා දක්වා ඔහු ශ්‍රී ලංකාවේ සහ මාලදිවයිනේ සංචාරය කිරීමට නියමිතව ඇත.

ඉන්දියන් සාගර කලාපයේ සහයෝගීතාව වර්ධනය කිරීම අරමුණු කරගත් ඉහළ පෙළේ සාකච්ඡා කිහිපයකට ඔහු මෙහිදී එක්වනු ඇත.

ශ්‍රී ලංකා සංචාරයේදී විශේෂ නියෝජිතවරයා මෙරට ජ්‍යෙෂ්ඨ නායකයන් හමුවී අමෙරිකා-ශ්‍රී ලංකා සබඳතාවයේ වැදගත්කම යළි තහවුරු කිරීමටත්, ප්‍රධාන ක්ෂේත්‍ර ගණනාවක සහයෝගීතාව ශක්තිමත් කිරීමටත් නියමිත බව තානාපති කාර්යාලය වැඩිදුරටත් සඳහන් කළේය.