මැදපෙරදිග යුධ ගැටුම් ආරම්භවීමෙන් පසු පළමු මගී ගුවන් යානය කටුනායකින් ඩුබායි බලා පිටත්වෙයි

මැදපෙරදිග යුධ ගැටුම් ආරම්භ වීමෙන් පසු අත්හිටුවා තිබූ ගුවන් ගමන් යළි ආරම්භ කරමින් පළමු ගුවන් යානය අද (03) පස්වරුවේ කටුනායක ගුවන් තොටුපොළෙන් ඩුබායි බලා පිටත්ව ගොස් ඇත.

කටුනායක ගුවන් තොටුපොළ කාර්යය භාර නිලධාරීවරයා සඳහන් කළේ, Fits Air ගුවන් සේවයට අයත් 8D 821 ගුවන් යානය අද පස්වරු 01.20 ට කටුනායක ගුවකන්තොටුපොළෙන් ඩුබායි බලා පිටත්ව ගොස් ඇති බවය.

මෙම ගුවන් යානය තුළ ගුවන් මගීන් 47 දෙනෙකු සහ ගුවන් යානා කාර්යය මණ්ඩලය 10 දෙනෙකු ගමන් ගෙන සිටි බව වාර්තා වේ.

මේ අතර Air Arabia ගුවන් සේවයට අයත් G-9509 දරණ ගුවන් යානය අද සවස 04.45ට කටුනායක ගුවන් තොටුපොළෙන් සාජා නුවර බලා බලා පිටත්ව ගොස් තිබේ.

මෙම ගුවන් යානය තුළ ගුවන් මගීන් 44 දෙනෙකු සහ ගුවන් යානා කාර්යය මණ්ඩලය 10 දෙනෙකු ගමන් ගෙන ඇති බව වාර්තා වෙයි.

සීමිත කාලසීමවක් සඳහා මැදපෙරදිග ගුවන් කළාපය විවෘත වන අතර එම කාලසීමාවේදී මෙලෙස ගුවන් යානා මැදපෙරදිග වෙත පියාසර කරන බව වාර්තා වෙයි.

කටුනායක ගුවන් සේවා ආරංචි මාර්ග අනුව, ඉදිරි දින වලදී මැදපෙරදිග කළාපයේ අනෙකුත් ගුවන් ගමන්ද ක්‍රියාත්මක වීමේ ප්‍රවනතාවයක් පවතින බව සඳහන් කර ඇත.