ජාත්යන්තර මව් භාෂා දිනය අදට යෙදී තිබේ.
සෑම වසරකම පෙබරවාරි 21 වනදා මෙම දිනය සැමරෙන්නේ භාෂාමය හා සංස්කෘතික විවිධත්වය රැකගැනීමේ වැදගත්කම අවධාරණය කිරීම සඳහාය.
1999 දී UNESCO සමුළුවකදී ජාත්යන්තර මව් භාෂා දිනය අනුමත කරනු ලැබූ අතර, 2000 වසරෙන් පසු එය ගෝලීය වශයෙන් සැමරෙමින් පවතී.
තිරසාර සමාජ ගොඩනැගීම සඳහා සංස්කෘතික හා භාෂා විවිධත්වය අත්යවශ්ය බව යුනෙස්කෝ සංවිධානය පෙන්වා දෙයි.
මෙම දිනය සැමරීමේ යෝජනාව මුලින්ම ඉදිරිපත් කර ඇත්තේ බංග්ලාදේශය විසින්ය.
බංග්ලාදේශයේ මව් භාෂාව ආරක්ෂා කිරීමේ අද්විතීය ඉතිහාසය සහ භාෂාමය විවිධත්වය මෙන්ම බහු සංස්කෘතිකත්වය සඳහා එරට දැක්වූ කැපවීම මෙම පිළිගැනීමට පදනම් වී ඇත.
1952 දී එරට රජය උර්දු භාෂාව ජාතික භාෂාව ලෙස ප්රකාශයට පත් කිරීමට ගත් තීරණයට විරුද්ධව විශාල උද්ඝෝෂණ සහ විරෝධතා ඇතිවිය.
එම සටන අතරතුර ශිෂ්යයන් රැසකගේ ජීවිත අහිමි වූ අතර, පසුව බෙංගාලි භාෂාව ජාතික භාෂාව ලෙස පිළිගනු ලැබීය.
ඒ අනුව, භාෂා අයිතිවාසිකම් සඳහා කළ එම කැපවීම සිහිපත් කරමින් 1999 දී යුනෙස්කෝ සංවිධානය විසින් සෑම වසරකම පෙබරවාරි 21 වනදා ජාත්යන්තර මව් භාෂා දිනය ලෙස නම් කරන ලදි.
ජාත්යන්තර මව් භාෂා දිනය වෙනුවෙන් නිවේදනයක් නිකුත්කරමින් විපක්ෂ නායක සජිත් ප්රේමදාස මහතා සඳහන් කරන්නේ, ශ්රී ලාංකේය අනන්යතාව ගොඩනැගීම සඳහා සියලුදෙනා එක්ව කටයුතු කළ යුතු බවය.
ඔහු පෙන්වා දෙන්නේ, යම් ප්රජාවක මව් භාෂාව එම ප්රජාවේ අනන්යතාව තහවුරු කරන ප්රධානතම සාධකයක් බවය.
භාෂාව සන්නිවේදන මෙවලමක් පමණක් නොව, ජන සමාජයක සංස්කෘතිය, සාරධර්ම හා ඉතිහාසය ඉදිරියට ගෙන යන මූලික වාහකයෙකු ලෙස හඳුනාගත හැකි බව ද ඔහු අවධාරණය කර ඇත.
විපක්ෂ නායක සජිත් ප්රේමදාස මහතා නිකුත්කළ නිවේදනය පහතින්,
