එළැඹෙන ජුනි මාසය වන විට රුසියාව සහ යුක්රේනය අතර ඇතිව තිබෙන යුද්ධය අවසන් කිරීමට අමෙරිකාවට අවශ්ය බව යුක්රේන ජනාධිපති වොලොඩිමියර් සෙලෙන්ස්කි පවසා තිබේ.
යුක්රේන ජනාධිපතිවරයා පවසා ඇත්තේ යුද ගැටුම් නිමා කිරීම සඳහා වූ සාකච්ඡා සඳහා එළැඹෙන සතියේ දෙපාර්ශ්වයටම එක්සත් ජනපදය වෙත ආරාධනා කර ඇති බවය.
සිදුකරනු ලැබූ අදහස් දැක්වීමකදි යුක්රේන ජනාධිපතිවරයා මෙහිදී පවසා ඇත්තේ එළැඹෙන ජුනි මාසය වන විට යුද ගැටුම් අවසන් කළ යුතු බවත් ඒ සම්බන්ධව සියලු සිදුවීම් පිළිබඳ පැහැදිලි කාලසටහනක්ද එක්සත් ජනපදයට අවශ්ය බවය.
මේ අතර රුසියාව විසින් යුක්රේනයේ ඉලක්ක වෙත සිදුකරන පහරදීම් තවදුරටත් සිදුකරමින් තිබෙන බව විදෙස් මාධ්ය වාර්තා කර තිබේ.
විදෙස් මාධ්ය වාර්තා හී සඳහන්ව ඇත්තේ රුසියාව විසින් යුක්රේනයේ පිහිටි බලශක්ති සහ යටිතල පහසුකම් ඉලක්ක කරගනිමින් තවදුරටත් ප්රහාර සිදුකරන බවය.
රුසියාව විසින් බලශක්ති පහසුකම් වෙත එල්ල කර ඇති ප්රහාරයකින් යුක්රේනයේ රටපුරා විදුලි ඇනහිටීම් රැසක්ද සිදුව ඇති බවත් විදෙස් මාධ්ය වාර්තා කර ඇත.
මේ අතර රුසියානු හමුදා බුද්ධි අංශ ප්රධානී ව්ලැඩ්මීර් අලෙක්සෙව් ඝාතනය කිරීමට තැත් කිරීම සම්බන්ධයෙන් සැකකරුවන් දෙදෙනෙකුගෙන් ළඟදීම ප්රශ්න කිරීමට නියමිත බව රුසියානු පුවත්පතක් සඳහන් කර ඇති බව විදෙස් මාධ්ය වාර්තා කර තිබේ.
අදාළ බුද්ධි අංශ ප්රධානියා ඝාතනය කිරීම සඳහා රුසියාවේ මොස්කව් හි පිහිටි මහල් නිවාස ගොඩනැගිල්ලකට පසුගියදා කිහිප වතාවක් වෙඩි තබා තිබූ අතර එම වෙඩි තැබීමෙන් බුද්ධි අංශ ප්රධානියා තුවාල ලබා රෝහල් ගත කර තිබුණි.
