උණුසුම් පුවත්
සහන අයවැයෙන් රාජ්‍ය සේවක වැටුප ඉහළට
May 27, 202207:56 AM
ඉදිරි කාලසීමාවේ ඉදිරිපත් කරනු ලබන සහන අයවැය හරහා රජයේ සේවකයින්ගේ මාසික වැටුප ඉහළ දමන බව දේශපාලන ආරංචි මාර්ග සඳහන් කරයි.
මේ අතර දිනපතා පුවත්පත් වැඩිදුරටත් වාර්තා කර ඇත්තේ ජීවන වියදමට මුහුණදීම සඳහා මෙලෙස රජයේ සේවකයින්ගේ වැටුප ඉහළ දැමීමට අග්‍රාමාත්‍යවරයා විසින් තීරණයක් ගෙන ඇති බවය.
එසේම අදාළ අයවැය ඉදිරිපත් කරමින් රජයේ සේවක වැටුප් ඉහළ දැමීමට සමානුපාතිකව පෞද්ගලික අංශයේ වැටුප් ඉහළ දැමීමක් සිදුකරන ලෙස ඉල්ලීමක් සිදුකිරීමට නියමිත බවද අද පුවත්පත් වැඩිදුරටත් වාර්තා කර තිබේ.
වැඩිදුර ආරංචි මාර්ග සඳහන් කරන්නේ පසුගිය යහපාලන රජය සමයේ සිදුකළ රාජ්‍ය සේවක වැටුප් වර්ධනය මෙන් දෙගුණයක වැටුප් වැඩිවීමක් ඉදිරි සහන අයවැය හරහා සිදුකිරීමට නියමිත බවටය.
2015 වසරේදී යහපාලන ආණ්ඩුව බලයට පත්වීමත් සමඟ දින සියය වැඩපිළිවෙල යටතේ රාජ්‍ය සේවක වැටුප රුපියල් 10,000කින් ඉහළ දමනු ලැබීය.
