උණුසුම් පුවත්
මාතර විශ්‍රාමික වෛද්‍යවරියකට කොවිඩ්
Oct 22, 202002:34 PM
මාතර ප්‍රදේශයේ පෞද්ගලික වෛද්‍ය මධ්‍යස්ථානයක් පවත්වාගෙන යනු ලැබූ විශ්‍රාමික වෛද්‍යවරියකට නව කොරෝනා වෛරසය ආසාදනය වී ඇති බවට හඳුනාගෙන තිබේ.
මාතර උද්‍යාන පාර ප්‍රදේශයේ පදිංචි එම වෛද්‍යවරියගේ ආශ්‍රිතයින් පී.සී.ආර් පරික්ෂණ සඳහා යොමු කිරීමට පියවර ගෙන ඇති බව වාර්තා වේ.
එම වෛද්‍යවරියගේ සහෝදරයා කළුතර, මතුගම ප්‍රදේශයේ කොරෝනා ආසාදිතයෙක් ලෙස හඳුනාගෙන තිබේ.
ඒ අනුව එම විශ්‍රාමික වෛද්‍යවරිය හා ඇයගේ ස්වාමිපුරුෂයා ස්වයං නිරෝධායනයට යොමුව සිටිය දී මෙලෙස වෛද්‍යවරිය පමණක් ආසාදිත බවට තහවුරු වී ඇත.
පසුගිය දිනක නිවසේ පැවති දානයක් සඳහා සහභාගි වී මතුගම ප්‍රදේශයට පැමිණීමෙන් අනතුරුව වෛද්‍යවරියගේ සහෝදරයා ආසාදිතයෙක් ලෙස හඳුනා ගෙන තිබේ.
ඒ අනුව කොරෝනා ආසාදිත 78 හැවිරිදි විශ්‍රාමික වෛද්‍යවරිය ඊයේ රාත්‍රීයේ අයි.ඩී.එච් රෝහලට රැගෙන ආවේය.
