දැනට ගුවාම්හි නැංගුරම්ලා ඇති අමෙරිකාවට අයත් න්යෂ්ටික බලගැන්වූ තියඩෝර් රූස්වෙල්ට්, යුද නෞකාවේ සිටින අමෙරිකානු නාවිකයින් අතරින් සියදෙනෙකු පමණ නව කොරෝනා ආසාදිත බවට හඳුනා ගෙන තිබේ.
එම නෞකාවේ කපිතාන්වරයා පෙන්ටගනය වෙත ලිපියක් යොමුකරමින් අවධාරණය කර ඇත්තේ, නෞකාවේ සිටින 4,000ක් පමණ වන සෙසු නාවිකයන්ගේ ජීවිත බේරාදෙන ලෙසයි.
මෙය යුද්ධයක් නොවන බැවින් කිසිදු නාවිකයෙකු නිකරුණේ මියනොයා යුතු බවද ඔහු එම ලිපියෙන් පෙන්වාදී තිබුණි.
මේ අතර, නව කොරෝනා ආසාදිතයින් වැඩි වශයෙන්ම වාර්තා වූ රට බවට පත්ව ඇති අමෙරිකාවේ ඊයේ දිනයේ පමණක් වාර්තා වූ ආසාදිතයින් 24,000ත් සමඟ, සමස්ත ආසාදිතයින් ගණන 187,000 ඉක්මවා ගියේය.
එරටින් වාර්තා වන මරණ ගණන 726ක් තරම් කැපී පෙනන ඉහළ අගයක් ගත්තේ සමස්ත මරණ සංඛ්යාව 3,867ක් දක්වා ඉහළ දමමින්.
එය නව කොරෝනා ව්යාප්තියෙන් චීනයේ සිදුවූ මරණ ගණනද ඉක්මවීමක්.
මේ අතර මාධ්ය අමතමින් අමෙරිකානු ජනාධිපති ඩොනල්ඩ් ට්රම්ප් අද අවධාරණය කර සිටියේ ඉදිරි දෙසතිය අමෙරිකානු වැසියන්ට වඩාත් වේදනාත්මක සහ අසීරු කාලසීමාවක් වනු ඇති බවයි.
එමෙන්ම වෛරසයෙන් අමෙරිකාවේ, ලක්ෂයත්, දෙලක්ෂ හතලිස් දහසත් අතර පිරිසක් මියයා හැකි බවත්, මෙම මාධ්ය සාකච්ඡාවේදී සඳහන් විය.
