උණුසුම් පුවත්
නව ව්යවස්ථාව සකස් කර අවසන්
Oct 29, 201708:49 AM
නව ආණ්ඩුක්රම ව්යවස්ථාව මේ වන විට සකස් කර අවසන් බව බෙල්ලන්විල රජමහා විහාරස්ථානයේ විහාරාධිපති මහාචාර්ය බෙල්ලන්විල විමලමරතන හිමියන් පවසයි.
මේ සම්බන්ධයෙන් රජයේ වගකිවයුතු ඇමතිවරයෙකු තමන්ව දැනුවක් කළ බව උන්වහන්සේ වැඩිදුරටත් පැවසීය.
අගමැතිවරයා විසින් මෙය තවමත් යෝජනා මාලාවක් බව පැවසුවත්, එය එසේ නොවන බවත්, නව ආණ්ඩුක්රම ව්යවස්ථාව මේ වන විට සකස් කර අවසන්ව ඇති බවත් උන්වහන්සේ මෙහිදී අවධාරණය කර සිටියේය.
නව ආණ්ඩුක්රම ව්යවස්ථාවට විරුද්ධ වීම සම්බන්ධයෙන් මහා සංඝරත්නයට අපහාස කිරීමේ ව්යාපරයක් ආරම්භ කර ඇති බවද උන්වහන්සේ මෙහිදී පැවසීය.
එමෙන්ම උන්වහන්සේ පෙන්වා දෙන්නේ ව්යස්ථාව සම්බන්ධයෙන් ප්රකාශ සිදුකරන භික්ෂූන් වහන්සේට එරෙහිව ආණ්ඩුව විවිධ ක්රියාමාර්ග ගනිමින් සිටින බවයි.
කෙසේවෙතත් මෙතෙක් නව ව්යවස්ථාවක් සකස් කර නොමැති බව මහනුවර ප්රදේශයේ පැවති උත්සවයකින් අනතුරුව මාධ්යවේදීන් නැගූ ප්රශ්නයකට පිළිතුරු ලබාදෙමින් කථානායක කරූ ජයසූරිය මහතා සඳහන් කළේය.
නව ව්යවස්ථාව සම්මත කරගැනීම තුළින් රටට බරපතළ හානියක් සිදුවන බව පාර්ලිමේන්තු මන්ත්රී කෙහෙළිය රඹුක්වැල්ල මහතා සඳහන් කළේය
