උණුසුම් පුවත්
ජගත් විජේනායකගේ දේහය පිළිබඳ අවසන් කටයුතු හෙටයි
Apr 15, 201707:40 AM
මධ්‍යම පළාත් සභා එක්සත් ජනතා නිදහස් සන්ධාන මන්ත්‍රී ආචාර්ය ජගත් විජේනායක මහතා අභාවප්‍රාප්ත වී තිබේ.
ඊයේ දවල් රාගම රෝහලේ දී ඒ මහතා අභාවප්‍රාප්ත වූ බව පවුලේ ඥාතියෙක් සඳහන් කළේය.
සති කිහිපයක සිට අසනීප තත්ත්වයේ පසුවූ ජගත් විජේනායක මහතා කොළඹ පෞද්ගලික රෝහලක ප්‍රතිකාර ලබමින් සිටියදී පසුගිය 12 වනදා රාගම රෝහලට ඇතුළත් කර ඇති අතර එහිදී ඔහු මියගොස් තිබේ.
මහනුවර, පේරාදෙණිය ප්‍රදේශයේ උපත ලද ජගත් විජේනායක මහතා සහෝදර සහෝරියන් 06 දෙනෙකුගෙන් යුත් පවුලේ බාලයා වූ අතර ඒ මහතා අභාවප්‍රාප්ත වන විට 60 වන වියේ පසුවිය.
ජගත් විජේනායක මහතාගේ දේහය මහජන ගෞරවය සඳහා අද උදැසන සිට බොරැල්ලෙ පිහිටි පෞද්ගලික මල්ශාලාවක තැන්පත් කිරීමට නියමිතය.
දේහය පිළිබඳ අවසන් කටයුතු හෙට බොරැල්ල කනත්තේදී සිදු කිරීමට නියමිතව තිබේ.
