මානව හිමිකම් ක්රියාකාරිණියක වන බාලේන්ද්රන් ජෙයකුමාරි ඇප මත නිදහස් කිරීම පිළිබඳ අමෙරිකාව සිය ප්රසාදය පළ කරයි.
අමෙරිකානු රාජ්ය දෙපාර්තමේන්තුවේ දෛනික මාධ්ය හමුවේ දී ප්රකාශිකා ජේන් සාකී මේ බව සඳහන් කර ඇත.
සියලුම ශ්රී ලාංකිකයින්ගේ මානව හිමිකම් හා මූලික අයිතිවාසිකම් තහවුරු කිරීමට ශ්රී ලංකා රජය පියවර ගත යුතු බව ඇය එහිදී සඳහන් කර තිබේ.
මානව හිමිකම් ක්රියාකාරිණියක වන බාලේන්ද්රන් ජෙයකුමාරි ඇතුළු අට දෙනෙකු නිදහස් කිරීම ඒ සඳහා ගනු ලැබූ ධනාත්මක පියවරක් ලෙස සැලකිය හැකි බව අමෙරිකානු රාජ්ය දෙපාර්තමේන්තුවේ ප්රකාශිකා ජේන් සාකී පවසයි.
තවදුරටත් මෙවැනි පියවර ගැනීම සඳහා ශ්රී ලංකා රජය නිරන්තරයෙන් දිරිමත් කරන බව ද ඇය දෛනික මාධ්ය හමුවේදී ප්රකාශ කර තිබුණි.
එල්.ටී.ටී.ඊ.ය ප්රතිසංවිධානය කිරීම සඳහා කටයුතු කළ ගෝපී නමැති සැකකරුට නවාතැන් ලබාදුන් බවට සැකපිට බාලේන්ද්රන් ජයකුමාරි පසුගිය වසරේ මාර්තු මාසයේ අත්අඩංගුවට ගත් අතර ඇය පසුගිය 10 වැනිදා ඇප මත මුදාහැරුණි.
