උණුසුම් පුවත්
චීනයෙන් මාස 6කට ඖෂධ
Jun 02, 202203:10 PM
චීනය විසින් ලබාදෙන ඖෂධ තොගයක් හෙට (03) ශ්රී ලංකාවට ලැබීමට නියමිත බව කොළඹ පිහිටි චීන තානාපති කාර්යාලය පවසයි.
ට්විටර් පණිවුඩයක් නිකුත් කරමින් චීන තානාපති කාර්යාලය පවසන්නේ එහි වටිනාකම යුවාන් මිලියන 500ක් පමණ බවය.
එම ඖෂධ තොගයෙන් මෙරට මාස 6ක ඖෂධ අවශ්යතාවය සපුරාලිය හැකි බව ඔවුන් පැවසීය.
අදියර දෙකක් යටතේ එම ඖෂධ තොගය මෙරටට ලබාදීමට නියමිය.
එහි පළමු තොගයේ Enoxaparin Sodium එන්නත් 256,320ක් අඩංගු වන අතර එහි වටිනාකම යුවාන් මිලියන 10කි.
අදාළ ඖෂධ තොගයේ දෙවන කොටස මේ මාසයේ මැද භාගයේදී දිවයිනට ළඟාවීමට නියමිතය.
