ආණ්ඩුවට එරෙහිව ක්රියාත්මක මහජන අරගලයට පුර්ණ සහාය පළ කිරීම සඳහා සංකේත වැඩවර්ජනයක නිරත වීමට විශ්වවිද්යාල ආචාර්යය සමිති සම්මේලනය තීරණය කර තිබේ.
එහි සභාපති මහාචාර්යය ශ්යාම බන්නැහැක මහතා සඳහන් කළේ, හෙට (19) දිනයේ දිවයිනේ සියලුම විශ්වවිද්යාලවල එම වැඩවර්ජනය ක්රියාත්මක කරන බවය.
වැඩවර්ජනයට සමගාමීව කොළඹ දී විරෝධතා පා ගමනක් ද පැවැත්වීමට සැලසුම් කර ඇති බව ශ්යාම බන්නැහැක මහතා සඳහන් කළේය.
"ජනතාවගේ හඬට සහයෝගයක් සහ ශක්තියක් වෙන්නට විශ්වවිද්යාල ආචාර්යවරුන්ගේ සමිත සම්මේලනය රාජ්ය විශ්වවිද්යාල පද්ධතිය තුළ සංකේත වැඩවර්ජනයක් දියත් කරලා තියෙනවා. ඒ සමගම 19 වනදා දහවල් කොළඹ විශ්වවිද්යාලයේ ඉඳලා ගාලු මුවදොර දක්වා පා ගමනකින් ඇවිල්ලා ඒ ස්ථානයේදී රටේ ඉදිරිපැවැත්ම සාමයේ ජන අරගලයට විශ්වවිද්යාල ආචාර්යවරුන් සහයෝගය දක්වන්නේ කියන එක පිළිබඳව සහ මේ අර්බුදයෙන් ගොඩඒම සඳහා ගතයුතු ක්රියාමාර්ග පිළිබඳව විශ්වවිද්යාල ආචාර්යවරුන්ගේ සමිති සම්මේලනයේ අදහස පිළිබඳව කතාබහ කරන වැඩපිළිවෙළකට අපි සූදානම්වෙලා ඉන්නවා. අපි මේ වෙලාවේ ඔවුන් සමග ශක්තියක් වෙමින් ඔවුන්ගේ ඒ අරගලය ජයගැනීමට අවශ්ය සෑම ශක්තියක්ම දෙන්නට තීරණය කරලා තියෙනවා."
මේ අතර රට තුළ පවතින වත්මන් අර්බුදය සඳහා කඩිනම් යෝජනාවලියක් හඳුන්වාදීමට ශ්රී ලංකා පරිපාලන සේවා සංගමය පියවර ගෙන තිබේ.
රටේ පවතින ආර්ථික, දේශපාලනික හා සමාජයීය අර්බුදයෙන් මිදීමට කඩිනම් විධිමත් හා ස්ථීර වැඩපිළිවෙලකු ක්රියාත්මක කිරීම එම යෝජනාවලියේ අරමුණය.
ශ්රී ලංකා පරිපාලන සේවයේ විවිදධ ක්ෂේත්රවල පළපුරුදු නිලධාරීන්ගේ දායකත්වය ලබාගනිමින් අදාළ යෝජනාවලිය සකස් කර ඇති අතර එය මුදල් අමාත්යවරයාට, මහ බැංකු අධිපතිවරයාට, ජනාධිපති සහ අග්රාමාත්ය ලේකම්වරුන් හට ලබාදී ඇති බව ශ්රී ලංකා පරිපාලන සේවා සංගමය සඳහන් කළේය.
