උණුසුම් පුවත්
රාජිත ට එරෙහි අල්ලස් නඩුව කැඳවීමට දින නියම කෙරේ
Oct 04, 202103:46 PM
අල්ලස් කොමිසම විසින් හිටපු අමාත්‍ය රාජිත සේනාරත්න මහතා ඇතුළු විත්තිකරුවන් පිරිසකට එරෙහිව ගොනුකර තිබෙන නඩුව නොවැම්බර් මස 10 වනදා කැඳවන ලෙස කොළඹ මහාධිකරණය නියම කළේය.
මෙම නඩුව අද (04) කොළඹ මහාධිකරණ විනිසුරු මොහොමඩ් ඉර්ෂඩීන් මහතා ඉදිරියෙන් කැඳවනු ලැබීය.
එම නඩුවේ සෙසු විත්තිකරුවන් ලෙස ධීවර වරාය නීතිගත සංස්ථාවේ හිටපු නිලධාරීන් දෙදෙනෙකු වන උපාලි ලියනගේ සහ නිල් රවීන්ද්‍ර මුණසිංහ යන අය නම් කර තිබේ.
2014 වසරේ අගෝස්තු මස 01වනදා සහ එම වසරේ නොවැම්බර් මස 01 වනදා අතර කාලසීමාව තුළ මෝදර ධීවර වරාය සී ගල්ෆ් යූ.කේ ප්‍රයිවට් ලිමිටඩ් නැමති සමාගම වෙත අඩු මුදලකට බදුදීම සඳහා ධීවර වරාය නීතිගත සංස්ථාවේ අධ්‍යක්ෂ මණ්ඩලය පෙළඹවීම තුළින් රජයට පාඩුවක් සිදුකළ බවට එලෙස චෝදනා එල්ලවී තිබේ.
