ඉන්දියාවෙන් කොවිඩ් 19 මරණ 29ක් ඊයේ වාර්තා විය.
ඒ අනුව සමස්ත මරණ සංඛ්යාව ඉහළ ගියේ 422 ක් ලෙසයි.
එරටින් වාර්තාවන මුළු ආසාදිතයන් ගණන 12,370ක්.
දකුණුදිග දිල්ලියේ පීසා බෙදාහරින්නෙක් කොවිඩ් 19 ආසාදිත බවට තහවුරුවීමත් සමග ඔහුගෙන් සේවය ලබාගත් පවුල් 72ක සාමාජිකයන් ස්වයං නිරෝධායනයට යොමු කර තිබේ.
මැයි 3 දක්වා රට අකර්මණ්යව තැබුණ ද ගම්බද ප්රදේශවලට පනවා ඇති නීතිරීතිය ඉදිරි සතිවලදී ලිහිල් කරන බව ඉන්දීය රජය පවසන්නේය.
නවදිල්ලි අගනගරය ඇතුළු ප්රධාන නගර හයක් වැඩි අවදානම් සහිත රතු කලාප බවට නම් කර තිබේ.
ආසාදිතයන් නොමැති කලාප සඳහා කොළ වර්ණය ලබාදීමට තීරණය කෙරුණ ද ඉන්දියාව තුළ කිසිදු කොළ වර්ණ කලාපයක් නම් කර නැත.
මේ අතර වෛරසයෙන් ආරක්ෂාවීම ගැන ජනතාව දැනුවත්කිරීමට ඔඩිෂා ප්රාන්තයේ භුබනේෂ්වර් නගරයේ පුද්ගලයෙක් මහත්මා ගාන්ධිතුමන් ලෙස සැරසී කටයුතු කළේය.
රට තුළ කොවිඩ් 19 වෛරසය ව්යාප්ත වීමෙන් ආසාදනය වූ පළමුවැන්නා අද වාර්තා වීමත් සමග පැය 24 කාලයක් සඳහා එරටට අයත් දූපත් කිහිපයකට ඇඳිරි නීතිය පැනවීමට මාලදිවයින පියවර ගෙන තිබේ.
