උණුසුම් පුවත්
ඇඳිරි නීතිය ඉවත් කළත් හෙට අනුරපුරේ නගර 3ක වෙළඳසැල් වසා දමන්න තීරණයක්
Mar 29, 202011:18 PM
අනුරාධපුරයේ ගලෙන්බිඳුනුවැව, කහටගස්දිගිලිය හා හොරොව්පතාන නගරවල සියලු වෙළඳ සැල් ඇඳිරි නීතිය ඉවත් කළ ද හෙට(30) දිනය තුළ වසා දැමීමට තීරණය කර තිබේ.
එම ප්රදේශයට හෙට උදෑසන 6 ට ඇඳිරි නීතිය තාවකාලිව ඉවත් කරන අතර නැවතත් සවස 2 ට ඇඳිරි නීතිය පනවනු ලබයි.
ඊයේ(28) දිනයේ දී අකුරණ ප්රදේශයේ කොරෝනා වෛරසය ආසාදනය වූ පුද්ගලයෙකු හඳුනා ගත් අතර, එම පුද්ගලයා මෙම ප්රදේශයන්හි ගැවසී ඇතැයි දැනට තොරතුරු ලැබී තිබෙන බව වාර්තා වෙයි.
මේ හේතුවෙන් හෙට දිනයේ දී කිසිදු සුපිරි වෙළඳ සැලක් හෝ සාමාන්ය වෙළඳසැල් විවෘත නොවෙනු ඇත.
නමුත් රාජ්ය බැංකු, ඉන්ධන පිරවුම්හල් හා ඖෂධ වෙළඳ සැල් හෙට දිනයේ විවෘතව පවතියි.
