අද වනවිට නව කෙරෝනා ව්යාප්තියේ කේන්ද්රස්ථානය බවට යුරෝපානු කලාපය පත්ව තිබේ.
ඉතාලිය ඉන් වැඩිම බලපෑමට ලක් වූ රට වන අතර ගෙවුණු පැය 24 තුළ එරටින් කොරෝනා මරණ 345 ක් වාර්තා වී ඇත්තේ මුළු මරණ ගණන 2503 දක්වා ඉහළ නංවමින්.
එය ඊයේ දිනයට සාපේක්ෂව සියයට 16ක වැඩිවීමක්.
එරටින් හමුවූ ආසාදිතයන් සංඛ්යාව අද වන විට තිස් එක්දහස ඉක්මවයි.
ඉතාලියෙන් පසු වැඩිම පීඩාවට ලක්වූ රට ස්පාඤඤයයි.
එරට කොරෝනා මරණ ගණන 491 ක්.
වෛරසය ආසාදිතයන් ගණන එකොළොස් දහස ඉක්මවා ගොස් තිබේ.
ඒ අනුව හදිසි තත්ත්වයක් නම්කර, ස්පාඤ්ඤය අර්ධ වශයෙන් අකර්මණ්ය කර තැබීමට අගමැති පෙඩ්රෝ සැන්චේස් ඊයේ තීරණය කළේය.
ප්රංශයෙන් අද වනවිට වාර්තා වන කොරෝනා මරණ ගණන175 ක්.
එමෙන්ම එරට පළාත් පාලන මැතිවරණයේ දෙවන අදියර අත්හිටුවීමටද බලධාරීන් පියවර ගත්තේය.
ඊයේ දිනයේදී ඉරානයෙන් නව පුද්ගල මරණ 135 ක් වාර්තා වුණේ සමස්ත මරණ සංඛ්යාව 988 දක්වා ඉහළ නංවමින්.
එවන් පසුබිමක සිරකරුවන් අසූපන්දහසක් තාවකාලිකව නිදහස් කිරීමටත් එරට බලධාරීන් පියවර ගෙන තිබේ.
මේ වන විට එරටට කොරෝනා වෛරස ව්යාප්තිය සම්බන්ධ ඉහළම අනතුරු ඇඟවීමේ නිවේදන නිකුත් කර ඇති බව සඳහන්.
