කොළඹ-නුවර මාර්ගයේ කලගෙඩිහේන ප්රදේශයේදී මාර්ගයේ ගමන් ගත් වෑන් රථයකට කිසියම් පිරිසක් පහර දී ඇත.
ප්රාඩෝ වර්ගයේ සුදු පැහැති ජිප් රථයක් සහ ඩිෆෙන්ඩර් රථයක ගමන් ගත් පිරිසක් විසින් මෙම පහරදිම සිදු කළ බව වෑන් රථයේ රියදුරු පවසයි.
තම වෑන් රථයට පිටුපසින් පැමිණි අදාල ජිප් රථ දෙක ප්රභූ රථ ලෙස අගවමින් වේගයෙන් පැමිණ තම වෑන් රථයට අවහිර වන ලෙස නවතා පහරදීම සිදු කර ඇති බව සඳහන්ය.
ඩිෆෙන්ඩර් රථයේ පැමිණි පිරිස ප්රභූ ආරක්ෂක ඇදුමකට සමාන ඇදුමකින් සැරසී සිට ඇති අතර ප්රාඩෝ රථයේ පසුපස අසුනේ පුද්ගලයින් දෙදෙනෙකු ගමන් කරමින් සිටි බව වෑන් රථයේ රියදුරු පැවසීය.
සුදු පැහැති ප්රාඩෝ රථයේ අංකය ඩබ්ලිව්.පී. සී.ඒ.ජී 0550 වන අතර සුදු පැහැති ඩිෆෙන්ඩර් රථයෙහි අංකය ඩබ්ලිව්.පී.සී.ඒ.ඩී 8850 බවට හඳුනාගෙන ඇත.
ඩබ්ලිව්.පී. සී.ඒ.ජී 0550 දරණ ප්රාඩෝ ජිප් රථය අංක 37, ගාල්ලේගම, ඉංගිරිය ලිපිනයේ පදිංචි දිනේෂ් නුවන් අමරතුංග නමැත්තෙකුට අයත් බවට අද දෙරණ කළ විමර්ශනයේදී අනාවරණය කර ගැනීමට හැකි වුණි.
ඩබ්ලිව්.පී.සී.ඒ.ඩී 8850 සුදු පැහැති ඩිෆෙන්ඩර් රථය අංක 34, ගාල්ලේගම, ඉංගිරිය යන ලිපිනයේ පදිංචි උදම් ඉන්දුල සම්පත් බණ්ඩාර අමරතුංග නමැත්තෙකුට අයත් බවට අද දෙරණ අනාවරණය කරගෙන ඇත.
