කොළඹ කොටුව සිට මාලබේ දක්වා සැහැල්ලු දුම්රිය සේවාවක් ආරම්භ කිරීමට අමෙරිකානු ඩොලර් මිලියන 1850ක ණය ආධාරයක් ලබාදීමට ජපානය එකගතාව පල කර තිබේෙ
කොළඹ නගරය සහ ඒ ආශ්රිතව පවතින දැඩි රථ වාහන තදබදයට විසදුමක් ලෙස මෙම සැහැල්ලු දුම්රිය මාර්ග පද්ධතිය ස්ථාපනය කිරීමට නියමිතයි.
කොළඹ කොටුව සිට මාලබේ දක්වා දුම්රිය ස්ථාන 16කින් සමන්විත කිලෝමීටර් 17ක් පමණ දිගින් යුත් මෙම දුම්රිය මාර්ග ව්යාපෘතියට මූල්ය හා තාක්ෂණික ආධාර සැපයීමට ජපානයේ ජයිකා ආයතනය ඉදිරිපත් වී තිබේ.
අදියර 6ක් යටතේ මෙම ණය මුදල ලබාදිමට නියමිත අතර පළමු අදියර යටතේ අමෙරිකානු ඩොලර් මිලියන 260ක මුදලක් ලබාදීමට නියමිතයි.
ජපාන රජය විසින් සියයට බින්දුවයි දශම එකක සහන වාර්ෂික පොලී මත ලබාදෙන මෙම ණය මුදල අවුරුදු 12ක සහන කාලයක් සහිතව වසර 40කින් ආපසු ගෙවීමට නියමිතව තිබේ.
ෙමහනගර හා බස්නාහිර සංවර්ධන අමාත්යාංශය විසින් මෙම ව්යාපෘතිය ක්රියාත්මක කිරීමට යෝජිත අතර එහි වැඩකටයුතු මේ වසර තුළ ආරම්භ කිරීමට නියමිතයි.
