පසුගිය දිනක බොදු බල සේනා සංවිධානයේ මහ ලේකම් ගලබොඩඅත්තේ ඥානසාර හිමියන් විසින් මාධ්ය වෙත කරන ලද ප්රකාශයකින් ශුද්ධ වූ කුරාණයට අගෞරවයක් සිදුවූ බව පවසා එම හිමියන්ට විරුද්ධව පැමිණිල්ලක් ඉදිරිපත් කර තිබේ.
කොම්පඤ්ඤවීදිය පොලිස් වසමේ වොක්ෂෝල් වීදිය ප්රදේශයේ පදිංචි නූර්දීන් මොහොමඞ් තාජුදීන් නැමැත්තෙකු විසින් මෙලෙස කොම්පඤ්ඤවීදිය පොලිස් ස්ථානය වෙත ලිඛිත පැමිණිල්ලක් ඉදිරිපත් කර ඇති බව පොලීසිය පවසයි.
2014.04.12 වන දින බොදුබල සේනා සංවිධානයේ මහලේකම් ගලගොබඅත්තේ ඥානසාර හිමියන් ඇතුළු පිරිසක් කොම්පඤ්ඤවීදිය පොලිස් ස්ථානයට කැඳවා තිබූ අතර එසේ කැඳවා තිබුණේ වටරැක විජිත හිමියන් විසින් ඊට දින 02 කට පෙර ඒ ආසන්න හෝටලයකදී ඇතිවූ සිද්ධියකට අදාලව කරන ලද පැමිණිල්ලක් සම්බන්ධයෙනි.
ඉන් අනතුරුව බොදු බල සේනා සංවිධානයේ මහලේකම් ගලබොඩඅත්තේ ඥානසාර හිමියන් මාධ්ය වෙත කරන ලද ප්රකාශයක් සම්බන්ධයෙන් කුරාණයට අගෞරවයක් සිදුවූ බව පවසා මෙලෙස අදාළ පුද්ගලයා විසින් පොලීසිය වෙත පැමිණිල්ලක් ඉදිරිපත් කර ඇති බව පොලිස් මාධ්ය ප්රකාශක කාර්යාලය සඳහන් කරයි.
මේ අතර අද(16) දිනයේ බොදු බල සේනා සංවිධානය විසින් මාධ්ය හමුවක් කැඳවමින් පවසා සිටියේ හකීම්,විමල්,ඩිලාන්, වාසු වැන්නන්ට යළි වතාවක් තමන් සමඟ විවාදයකට එන ලෙස අභියෝග කරන බවයි.
තම සංවිධානය පිළිබඳ වැරදි තොරතුරු ජාත්යන්තරයට ලබාදී ඇත්තේ මෙම පුද්ගලයින් බවද උන්වහන්සේ එහිදී කියා සිටියේය.
