ඇඟලුම් ක්ෂේත්රයේ ව්යාපාරිකයන් සහ ජනපති අතර හමුවක්
June 22, 2026 06:22 pm
ජනාධිපති අනුර කුමාර දිසානායක මහතා සහ මෙරට ඇඟලුම් ක්ෂේත්රයේ ප්රමුඛ පෙළේ ව්යාපාරිකයන් සහ ආයෝජකයන් අතර සාකච්ඡාවක් අද (22) පවත්වා තිබේ.
එහිදී ඩොලර් ආදායම ඉහළ නංවන අපනයන ආර්ථිකයක් වෙනුවෙන් ඇඟලුම් ක්ෂේත්රයේ ගැටලුවලට ලබා දිය හැකි කඩිනම් විසඳුම් සොයා බැලීම ජනාධිපතිවරයා විසින් කරන ලදී.
ඇඟලුම් ක්ෂේත්රය මුහුණ දෙන ප්රායෝගික ගැටලු සහ අපනයන සංවර්ධන මණ්ඩලයේ (EDB) නව අපනයන සැලැස්ම සාර්ථක කර ගැනීමට අවශ්ය පහසුකම් සැලසීම සහ නීති ප්රතිසංස්කරණ පිළිබඳව මෙහිදී දීර්ඝ ලෙස සාකච්ඡා විය.
කර්මාන්ත ශාලා ග්රාමීය ප්රදේශ කරා ව්යාප්ත කිරීමෙන් අපනයන ආර්ථිකය ශක්තිමත් කළ හැකි බවත්, ඒ වෙනුවෙන් එක්වන ලෙසත් ආයෝජකයින්ට ජනාධිපතිවරයා ආරධනා කළ බව සඳහන්ය.
වැට් (VAT) බදු ක්රමය හේතුවෙන් දේශීය අමුද්රව්ය සපයන්නන් මුහුණදී ඇති ගැටලු පිළිබඳවද ජනාධිපතිවරයා සිය අවධානය යොමු කළේය.
එහිදී ලබා දිය හැකි වෙනත් සහන පිළිබඳ යෝජනා කඩිනමින් ඉදිරිපත් කරන ලෙස අනුර කුමාර දිසානායක මහතා ව්යාපාරිකයන්ට දැනුම්දුන් බව ජනාධිපති මාධ්ය අංශය පැවසීය.
වෙළෙඳපොළ අවස්ථා ඉහළ නංවාගැනීම සඳහා නිදහස් වෙළෙඳ ගිවිසුම් පුළුල් කර ගැනීම සහ කෝටා ප්රමාණයන් ඉහළ නංවාගැනීමට ගත හැකි විකල්ප ක්රියාමාර්ග පිළිබඳව ද එහිදී සාකච්ඡා කර ඇත.
අයථා ලෙස උපයන ධනය මෙරටින් පිටතට ගලා යාම වැළැක්වීම සඳහා නීතිමය සහ තාක්ෂණික ක්රමවේද ශක්තිමත් කිරීමේ අවශ්යතාවද මෙහි දී අනුර කුමාර දිසානායක මහතා පෙන්වා දුන් බව ජනාධිපති මාධ්ය අංශය වැඩිදුරටත් සඳහන් කළේය.
