2025 අපොස සාමාන්ය පෙළ විභාගයෙන් සිසුන් 225,748 දෙනෙකු උසස් පෙළ හැදෑරීම සඳහා සුදුසුකම් ලබා ඇති බව විභාග කොමසාරිස් ජනරාල් ඒ.කේ.එස්. ඉන්දිකා කුමාරි මහත්මිය සඳහන් කළාය.
සාමාන්ය පෙළ ප්රතිඵල නිකුත් කිරීම පිළිබඳව දැනුවත් කිරීම සඳහා අද (20) පැවැති ප්රවෘත්ති සාකච්ඡාවකට එක්වෙමින් ඇය මේ බව ප්රකාශ කළාය.
මෙහිදී සියලුම විෂයන් සඳහා 'A' සාමාර්ථ ලබාගත් විභාග අපේක්ෂකයන් සංඛ්යාව 11,790ක් බවද ඇය සඳහන් කළාය.
කෙසේ වෙතත්, මෙවර විභාගයට පෙනී සිටි අපේක්ෂකයන්ගෙන් 7,419 දෙනෙකු සියලුම විෂයන් අසමත් වී ඇති බව ද මෙහිදී අනාවරණය විය.
එමෙන්ම විද්යාව සහ ගණිතය විෂයන් සමත් ප්රමාණය පසුගිය වසරට සාපේෂ්ව ඉහළගොස් ඇති බව ඇය මෙහිදී පැවසීය.
ඉන් විද්යාව විෂයට පෙනී සිටි සිසුන්න්ගෙන් 70.1%ක් මෙවර සමත්ව ඇති බවත්, පසුගිය වසරේ එය 69.07%ක්ව පැවති බවත් සඳහන් කළේය.
එමෙන්ම ගණිතය විෂය 72.03%කින් මෙවර සමත් වී ඇති අතර, පසුගිය වසරේ එයද 71.06%ක තිබූ බව පැවසීය.
පළාත් මට්ටමින් සමත් ප්රතිඵල අනුව වැඩිම පිරිසක් උසස් පෙළ සඳහා සුදුසුකම් ලබා ඇත්තේ දකුණු පළාතෙනි. අඩුම සමත් ප්රතිශතය උතුරු මැද පළාතෙන් වාර්තා වේ.
ඒ අනුව දකුණ 75.56%, බස්නාහිර 74.42%ක්, නැගෙනහිර 74.42%ක්, සබරගමුව 74.31%ක්, මධ්යම 73.98%ක්, ඌව 71.34%ක්, වයඹ 70.69%ක්, උතුර 70.00%ක් ලෙස හා උතුරු මැද 68.39%ක් වශයෙන් ප්රතිශත ලෙස සමත්ව ඇත.
2026 වසරට අදාළ අපොස සාමාන්ය පෙළ විභාගය මෙම වසරේම දෙසැම්බර් මස 8 වනදා සිට 17 වනදා දක්වා පැවැත්වීමට කටයුතු සූදානම් කර ඇති බව ද විභාග කොමසාරිස් ජනරාල්වරිය සඳහන් කළාය.
ඊට අදාළ විභාග අයදුම්පත් කැඳවීම ලබන ජූලි මස පළමු සතියේදී සිදු කිරීමට නියමිත බව ද ඇය වැඩිදුරටත් ප්රකාශ කළාය.
