ස්පාඤ්ඤයේ සතියක නිල සංචාරයක නිරත වන ශුද්ධෝත්තම 14 වැනි ලියෝ පාප් වහන්සේ අද (7) මැඩ්රිඩ් අගනුවරදී පැවැත්වූ එළිමහන් දේව මෙහෙය සඳහා මිලියන 1.2ක අතිවිශාල ජනකායක් සහභාගී වී තිබේ.
මෙම සුවිශේෂී ආගමික මෙහෙය සඳහා ස්පාඤ්ඤයේ 6වන ෆෙලිපේ රජු සහ ලෙටිසියා රැජින ද එක්ව සිටීම කැපී පෙනුණි.
මෙම සංචාරය අතරතුර ඊයේ (6) සවස රියල් මැඩ්රිඩ් පාපන්දු සමාජයේ නිල ක්රීඩාංගණය වන 'සාන්තියාගෝ බර්නාබියු' ක්රීඩාංගණය අසල ද පාප් වහන්සේ විසින් විශේෂ යාඥා මෙහෙයක් පවත්වනු ලැබූහ.
ඒ සඳහා ලක්ෂ 5කට අධික පිරිසක් සහභාගී වූ අතර, ඉන් බහුතරය තරුණ තරුණියන් බව වාර්තා වේ.
මේ අතර බාසිලෝනා නගරයේ පිහිටි, ලොව උසම කතෝලික දේවස්ථානය ලෙස සැලකෙන ප්රසිද්ධ සග්රදා ෆැමිලියා බැසිලිකාවේ අලුතින් ඉදිකළ කුළුණක් විවෘත කිරීමට පාප් වහන්සේ සහභාගිවීමට නියමිතය.
එමෙන්ම කලාපයේ වෙසෙන සංක්රමණිකයන් හමුවී ඔවුන්ගේ සුවදුක් විමසීම සඳහා උන්වහන්සේ කැනරි දූපත් වෙත ද වැඩම කිරීමට සැලසුම් කර ඇත.
මෙම සංචාරයේ විශේෂම අවස්ථාවක් ලෙස පාප් වහන්සේ ස්පාඤ්ඤ පාර්ලිමේන්තුව ඇමතීමට නියමිතව තිබේ.
ඒ අනුව ස්පාඤ්ඤ පාර්ලිමේන්තුවක් ඇමතීමට අවස්ථාව ලබන ලොව පළමු පාප් වහන්සේ ලෙස 14 වැනි ලියෝ පාප් වහන්සේ ඉතිහාසයට එක් වනු ඇත.
