සිරියාවේ රසායනික අවි ගැටලුව පිළිබඳ කඩිනම් අවසන් විනිශ්චයක් ලබා ලෙස චීනය විවිධ පාර්ශ්වයන්ගෙන් ඉල්ලා සිටී.
සිරියානු ගැටලුව සම්බන්ධයෙන් ඊයේ (04) එක්සත් ජාතීන්ගේ ආරක්ෂක මණ්ඩලයේදී අදහස් දක්වමින් චීන නියෝජිත Sun Lei මහතා මේ බව සඳහන් කළේය.
රසායනික අවි තහනම් කිරීමේ සංවිධානය සිය වෘත්තීය අධිකාරියට අනුකූලව කටයුතු කරමින් එහි තාක්ෂණික කරුණු වෙත නැවත පැමිණිය යුතු බව ද ඔහු එහිදී පැවසීය.
ඕනෑම රටක්, සංවිධානයක් හෝ පුද්ගලයෙකු විසින් ඕනෑම තත්ත්වයක් යටතේ රසායනික අවි භාවිත කිරීමට චීනය දැඩි ලෙස විරුද්ධ බවත් ඕනෑම රසායනික අවි භාවිතයක් දැඩි ලෙස හෙළා දැකිය යුතු බවත් එක්සත් ජාතීන්ගේ ස්ථාවර චීන නිත්ය උප නියෝජිතයා වන ඔහු මෙහිදී නැවත අවධාරණය කළේය.
සිරියාවේ රසායනික අවි ගැටලුව දශකයකට වැඩි කාලයක් ජාත්යන්තර වේදිකාවේ සාකච්ඡා කර ඇති බවත් සිරියාවට තම වටිනා ජාතික සම්පත් ආර්ථික හා සමාජ සංවර්ධනය කෙරෙහි යොමු කිරීමට උපකාර කිරීම සඳහා හැකි ඉක්මනින් නිසි විනිශ්චයකට එළඹිය යුතු බවත් ඔහු පවසා ඇත.
