ලොව පුරා බිලියන 1.5 කට අධික ජනගහනයක් විවිධ මට්ටමේ ශ්රවණාබාධ (ඇසීමේ දුර්වලතා) සහිතව ජීවත් වන අතර, ඉන් බහුතරයකට මූලික ශ්රවණ පරීක්ෂණයක් කර ගැනීමට පවා මෙතෙක් පහසුකම් සැලසී නොමැත.
මෙම ගැටලුවට සාර්ථක විසඳුමක් ලෙස, ලෝක සෞඛ්ය සංවිධානය (WHO) විසින්‘WHOears’ නමින් නව ජංගම යෙදුමක් (App)හඳුන්වා දී ඇත.
මෙම නවතම මෘදුකාංගය නිල වශයෙන් ප්රකාශයට පත් කිරීම සහ ඒ පිළිබඳව දැනුවත් කිරීම සඳහා විශේෂ ගෝලීය සජීවී වෙබ් සාකච්ඡාවක් පැවැත්වීමට ද කටයුතු යොදා තිබේ.
ඇයි මේ App එක විශේෂ?
මෙම App එක නොමිලේ ලබාගත හැකිය.
මෙය Android සහ Apple දුරකථන සහ ටැබ්ලට් පරිගණක සඳහා සම්පූර්ණයෙන්ම නොමිලේ බාගත හැකිය.
ටැබ්ලට් පරිගණකයක් සහ සාමාන්ය හෙඩ්ෆෝන් (Headphones) යුගලක් ආධාරයෙන්, ඕනෑම නිස්කලංක ස්ථානයකදී ඉතා අඩු පිරිවැයකින් ශ්රවණ පරීක්ෂණයක් සිදු කිරීමට මෙයින් අවස්ථාව ලැබේ.
වයස අවුරුදු 5 සහ ඊට වැඩි ඕනෑම අයෙකුගේ ශ්රවණ තත්ත්වය පරීක්ෂා කිරීම සඳහා පියවරෙන් පියවර උපදෙස් මාලාවක් මෙම App එක මඟින් සෞඛ්ය සේවකයා වෙත ලබා දෙයි.
මෙම ව්යාපෘතිය සඳහා උපකාරක තාක්ෂණය පිළිබඳ ගෝලීය හවුල්කාරිත්වය වන ‘ATscale’ සංවිධානයේ සහයෝගය ලැබී ඇත.
හඳුන්වාදීමේ සජීවී වෙබ් සාකච්ඡාව
මෙම මෘදුකාංගය ක්රියාත්මක වන ආකාරය සජීවීව පෙන්වීම සහ එය ප්රජාව වෙත රැගෙන යන ආකාරය සාකච්ඡා කිරීම සඳහා පැවැත්වෙන මෙම වෙබ් සාකච්ඡාව ඕනෑම අයෙකුට විවෘත වන බව සඳහන් වෙයි.
විශේෂයෙන්ම පහත ක්ෂේත්රවල පිරිස් වෙත මෙයට සම්බන්ධ වන ලෙස ලෝක සෞඛ්ය සංවිධානය ආරාධනා කර සිටියි.
ප්රජා සෞඛ්ය සේවකයින් සහ වෛද්යවරුන්.
සෞඛ්ය අමාත්යාංශ නිලධාරීන් සහ වැඩසටහන් කළමනාකරුවන්.
ශ්රවණ සහ උගුර, කන, නාසය පිළිබඳ විශේෂඥයින් (Audiologists & ENT Specialists).
පර්යේෂකයින් සහ රාජ්ය නොවන සංවිධාන (NGOs).
මේ අතර, ශ්රවණාබාධ කලින් හඳුනාගෙන, ඒවාට නියමිත වේලාවට ප්රතිකාර කිරීම සඳහා සෞඛ්ය සේවකයින් සන්නද්ධ කිරීම ‘WHOears’ මඟින් බලාපොරොත්තු වේ.
