2026 වසර තුළ වාහන ආනයනය සඳහා අපේක්ෂා කළ ප්‍රමාණයට වඩා වැඩි විදේශ විනිමය වැය වන ලකුණු පෙනී ය බව මහ බැංකු අධිපති ආචාර්ය නන්දලාල් වීරසිංහ මහතා ප්‍රකාශ කළේය.

අද පැවති මාධ්‍ය හමුවකදී අදහස් දක්වමින් මහ බැංකු අධිපතිවරයා සඳහන් කළේ, පසුගිය වසරේ වාහන ආනයනය සඳහා ආසන්න වශයෙන් අමෙරිකානු ඩොලර් බිලියන 2ක මුදලක් වැය වී ඇති බවය.

එය මුලින් අපේක්ෂා කළ අමෙරිකානු ඩොලර් බිලියන 1.5ත් 1.7ත් අතර ප්‍රමාණයට වඩා ඉහළ අගයක් බවද ඔහු පැවසීය. ඒ හේතුවෙන් භාණ්ඩාගාරයට අපේක්ෂා කළ ප්‍රමාණයට වඩා වැඩි ආදායමක් හිමි වූ බවද ඔහු පෙන්වා දුන්නේය.

මහ බැංකු අධිපතිවරයා වැඩිදුරටත් සඳහන් කළේ, 2026 වසරේ පළමු මාස තුන තුළ පමණක් වාහන ආනයනය සඳහා අමෙරිකානු ඩොලර් මිලියන 600කට ආසන්න මුදලක් වැය වී ඇති බවය.

එම ප්‍රවණතාව වසර පුරාම පැවතුණහොත් වසර අවසානය වනවිට වාහන ආනයන වියදම අමෙරිකානු ඩොලර් බිලියන 2.4 දක්වා ඉහළ යා හැකි බවද ඔහු සඳහන් කළේය.

2026 වසර සඳහා මුදල් අමාත්‍යාංශය විසින් සිදුකර තිබූ පුරෝකථන අනුව පසුගිය වසරට වඩා අඩු වාහන ප්‍රමාණයක් ආනයනය වනු ඇතැයි අපේක්ෂා කර තිබූ නමුත්, මේ වනවිට පවතින දත්ත අනුව එම ඉලක්කය ඉක්මවා යාමේ ඉඩකඩක් පවතින බව මහ බැංකු අධිපතිවරයා පැවසීය.

කෙසේ වෙතත්, වාහන ආනයනය ඉහළ යාම හේතුවෙන් රජයේ බදු ආදායම් ඉලක්කවලට අහිතකර බලපෑමක් එල්ල වන බවක් මේ වනවිට නොපෙනෙන බවද ඔහු වැඩිදුරටත් අවධාරණය කළේය.

"ගිය වසරේ වාහන ආනයයකළා අමෙරිකානු ඩොලර් බිලියන දෙකකට ආසන්න ප්‍රමාණයක් එතකොට ගිය අවුරුද්දේ ආදායම වැඩිවීමේ එක හේතුවක් තමයි බලාපොරොත්තු වඩා වැඩියෙන්... අපි හිතුවේ අමෙරිකානු ඩොලර් බිලියන 1.5ක් 1.7ක් වගේ ගණනකින් නවතී කියලා බිලිය දෙකක් ගියාම භාණ්ඩාගාරයේ ආදයම ඊටත් වඩා වැඩි වුණා එතකොට අමෙරිකානු ඩොලර් බිලියන දෙකක වාහන ආනයනය. දැන් මේ වෙනකොට තියෙන දත්ත අනුව 2026 පළමු මාස තුනේ අමෙරිකානු ඩොලර් මිලයන 600ක ගණන ප්‍රමාණයක් වාහන ආනයනය වෙලා තියෙනවා. එහෙම අවුරුද් අවසාන වෙනතුරු ගියොත් එනම් අවුරුද්ද ඇතුළත 600 ගාණේ ගියොත් අවුරුද්ද අවසානයේ අමෙරිකානු ඩොලර් බිලියන 2.4ක්. එ කියන්නේ ගිය අවුරුද්දටත් වඩා වැඩි ප්‍රමාණයක්. මේ අවුරුද්ද ඇත්තවශයෙන්ම පුරෝකථනය කරලා තිබුණේ මුදල් අමාත්‍යාංශය ගිය අවුරුද්දට වඩා අඩු වාහන ප්‍රමාණයක් මේ අවුරුද්දේ ආනයනය වෙයි කියන බලාපොරොත්තුව ඇතුළේ තමයි. ආදයම් ඉලක්ක මට හරියමට කියන්න දන්නේ නැහැ ඒක මුදල් ආමත්‍යාංශයේ කාර්යයක් අයවැයේ මට මතක හැටියට සංඛ්‍යා අනුව වාහන මත බදුවලින් බලාපොරොත්තු වන ආදායම වාහනවලට වියදම් කරන මුදල අමෙරිකානු ඩොලර් බිලියන 2කට වඩා අඩුවෙන් තමයි අපේ පුරෝකථනය දුන්නේ 2026 අවුරුද්දට නමුත් දැන් පේන විදිහට කොහොමත් ඒ ප්‍රමාණය හෝ ඊට වැඩි ප්‍රමාණයක් මේ වසර තුළ එන්න පුළුවන් බොහෝ ඉඩකඩ තියෙනවා ඒ නිසා රජයේ ආදායමට එකෙන් බලපෑමක් වෙයි කියලා දැනට පෙන්නේ නැහැ."