ඊශ්රායලය සහ අමෙරිකාව ඒකාබද්ධව සිදුකරන ඉරානයට එරෙහි යුද මෙහෙයුම ආරම්භ කර අදට (01) දින 33ක් ගතවී ඇත.
................................
Update - 8.45PM
ඉරානය විසින් කිසිදු සටන් විරාම යෝජනාවක් ඉදිරිපත් කර නොමැති බව එරට විදේශ අමාත්ය අබ්බාස් අරාග්චි ප්රකාශ කර තිබේ.
---------------------------
Update - 8.15PM
පසුගිය මාර්තු 02 වනදා ආරම්භ වූ ඊශ්රායල ආක්රමණය සහ ප්රහාර හේතුවෙන් මේ වන විට ලෙබනනය තුළ අවම වශයෙන් පුද්ගලයින් 1,318 දෙනෙකු ජීවිතක්ෂයට පත්ව ඇති බව එරට සෞඛ්ය අමාත්යාංශය පවසයි.
ලෙබනන සෞඛ්ය අමාත්යාංශය නිකුත් කළ නවතම දත්තවලට අනුව, මෙම ප්රහාර මාලාව හේතුවෙන් තවත් පුද්ගලයින් 3,935 දෙනෙකු තුවාල ලබා ඇත.
----------------------------
Update - 6.48PM
ඉරාන නව නායකයා තමන්ගෙන් සටන් විරාමයක් ඉල්ලා සිටි බව අමෙරිකානු ජනාධිපති ඩොනල්ඩ් ට්රම්ප් පවසයි.
ඔහු සිය 'Truth' සත්ය සමාජ ගිණුමේ සටහනක් තබමින් මේ බව පැවසීය.
-------------------------------
Update - 5.48PM
ඉරානය සමඟ පවතින යුද්ධයට අනෙකුත් රටවල් සක්රීයව දායක නොවීම හේතුවෙන් අමෙරිකාව නේටෝ සංවිධානයෙන් ඉවත් කරගන්නා බවට අමෙරිකානු ජනාධිපති ඩොනල්ඩ් ට්රම්ප් නැවතත් අනතුරු අඟවා ඇත.
--------------------------
Update - 4.35PM
අමෙරිකානු ජනාධිපති ඩොල්න්ඩ් ට්රම්ප් විසින් ධවල මන්දිරයේ සිදු කිරීමට සැලසුම් කළ උත්සව ශාලා (Ballroom) ඉදිකිරීම් ව්යාපෘතිය අධිකරණ නියෝගයක් මත තාවකාලිකව නතර කර ඇත.
------------------------------
Update - 4.21PM
අමෙරිකාව සහ ඊශ්රායලය විසින් ඉරානයේ මධ්යම සහ නිරිතදිග ප්රදේශවල පිහිටි ප්රධාන වානේ කර්මාන්තශාලාවලට ප්රහාර එල්ල කර ඇත.
--------------------------
Update - 3.40PM
ලෙබනනයේ බේරූට් නුවරට එල්ල කළ ප්රහාරයකින් හිස්බුල්ලා සංවිධානයේ අණදෙන නිලධාරියෙකු ඝාතනය කළ බව ඊශ්රායල හමුදාව පවසා තිබේ.
----------------------------
Update - 2.16 PM
ඉරානයේ සහාය ලබන යේමනියේ හූති කැරලිකරුවන් විසින් ඊශ්රායලයට එරෙහිව සිය තෙවන ප්රහාරය එල්ල කළ බව ප්රකාශ කර ඇත.
---------------------------
Update - 1.30 PM
යේමනයේ හූති සංවිධානය මේ වන විට ඔවුන්ගේ ප්රහාර වැඩි වශයෙන් එල්ල කර ඇත්තේ දකුණු ඊශ්රායලය ඉලක්ක කරගෙන බව සඳහන් වෙයි.
ඔවුන් පවසන්නේ මෙම ප්රහාර නැවැත්වීමට නම් ඊශ්රායලය කොන්දේසි දෙකක් ඉටු කළ යුතු බවයි.
එහිදී ගාසා තීරයේ සටන් විරාම ගිවිසුමට එකඟ වීම සහ ඉරානයට එරෙහිව අමෙරිකාව එල්ල කරන ප්රහාරවලට හවුල් නොවීම බව යේමනයේ හූති සංවිධානය පවසා තිබේ.
-----------------------------
Update - 1.13 PM
ඉරානයේ දකුණු දිග බුෂෙහ්ර් ප්රාන්තයේ ස්ථාන කිහිපයකට අමෙරිකාව සහ ඊශ්රායලය එක්ව ප්රහාර එල්ල කර ඇති බව විදෙස් වාර්තා පවසයි.
----------------------------------
Update - 1.00 PM
ඉරානයේ සිට කටාර් රාජ්යය ඉලක්ක කර මිසයිල තුනක් එල්ල කර ඇති බව වාර්තා වෙයි.
ඉන් මිසයිල දෙකක් අහසේදීම විනාශ කිරීමට කටාර් ආරක්ෂක අංශ සමත් වී ඇත.
------------------------------
Update - 12.45 PM
ඉරානයේ මධ්යම ප්රදේශයේ පිහිටි ප්රධාන නගරයක් වන ඉස්ෆහන් නගරය තුළ ප්රබල පිපිරීම් කිහිපයක් සිදුව ඇති බව ඉරාන මාධ්ය වාර්තා කරයි.
------------------------------
Update - 12.40 PM
ඉරානයේ ප්රබල හමුදා නිලධාරියෙකු ඉලක්ක කර ඊශ්රායලය විසින් ප්රහාරයක් එල්ලකර තිබේ.
ඔහු ඉරාන විප්ලවීය ආරක්ෂක බලකායේ ඉංජිනේරු අංශයේ ප්රධානියෙකු ලෙස කටයුතු කළ අයෙක් බව සඳහන් වෙයි.
-----------------------------
Update - 11.05 AM
කටාර් වෙරළට ඔබ්බෙන් වූ මුහුදු තීරයේ තෙල් නෞකාවකට හඳුනා නොගත් ප්රහාරයක් එල්ල වී ඇති බව එක්සත් රාජධානියේ සමුද්රීය ඒජන්සිය පවසයි.
-----------------------------
Update - 10.20 AM
ඊශ්රායල හමුදාව විසින් ඉරානයේ අගනුවර වන ටෙහෙරාන් නගරය ඉලක්ක කර ප්රබල ගුවන් ප්රහාර මාලාවක් දියත් කර ඇත.
මෙම ප්රහාර එල්ල කර ඇත්තේ ඉරාන රජයේ යටිතල පහසුකම් එනම් රජයට අයත් වැදගත් ස්ථාන සහ ගොඩනැගිලි ඉලක්ක කරගෙන බව සඳහන් වෙයි.
--------------------------------
Update - 10.14 AM
ඉරාන පාර්ලිමේන්තුවේ ජාතික ආරක්ෂක කමිටු ප්රධානී ඒබ්රහිම් අසීස්, ඩොනල්ඩ් ට්රම්ප් වෙත පණිවිඩයක් නිකුත් කරමින් පවසා ඇත්තේ හෝමුස් සමුද්ර සන්ධිය නිසැකවම යළි විවෘත වන නමුත්, එය ට්රම්ප් වෙනුවෙන් විවෘත නොවන බවයි.
--------------------------------
Update - 10.08 AM
ඊශ්රායල හමුදාවට අයත් ඩ්රෝන යානයකට දකුණු ලෙබනනයේදී මිසයිල ප්රහාරයක් එල්ල වී ඇත.
-------------------------------
Update - 9.40 AM
පසුගිය මාසය තුළ ඉරානයට එරෙහිව ගුවන් ප්රහාර වාර 800කට වඩා සිදු කර ඇති බව ඊශ්රායලය පවසා තිබේ.
මෙම ප්රහාර සඳහා විවිධ වර්ගයේ බෝම්බ 16,000ක් පමණ භාවිතා කර ඇති බව සඳහන් වෙයි.
මෙහිදී ඉරාන සොල්දාදුවන් සහ අණදෙන නිලධාරීන් 2,000කට වැඩි පිරිසක් මියගොස් ඇති බවත්, ඉලක්ක 4,000කට වැඩි ප්රමාණයකට පහර දුන් බවත් ඊශ්රායලය පවසයි.
ඉරාන බලධාරීන් පවසන පරිදි අමෙරිකානු සහ ඊශ්රායල ප්රහාරවලින් මේ වන විට පුද්ගලයින් 1,937 දෙනෙකු ජීවිතක්ෂයට පත්ව ඇත.
--------------------------------
Update - 8.45 AM
අමෙරිකාව සහ ඊශ්රායලය එක්ව ඉරානයේ ටෙහෙරාන් නුවර ඖෂධ නිෂ්පාදනාගාරයකට ප්රහාරයක් එල්ල කර තිබේ.
ඉරාන සෞඛ්ය අංශ පවසන පරිදි, ප්රහාරයෙන් එම කර්මාන්තශාලාවේ නිෂ්පාදන ඒකක සහ පර්යේෂණ අංශ සම්පූර්ණයෙන්ම විනාශ වී ඇති බව සඳහන් වෙයි.
-------------------------------
Update - 8.38 AM
කටාර් රාජ්යයේ දෝහා අගනුවරට ඔබ්බෙන් යාත්රා කරමින් තිබූ තෙල් ප්රවාහන නෞකාවකට හඳුනා නොගත් ප්රහාරක් එල්ල වී ඇත.
-----------------------------
Update - 8.30 AM
අමෙරිකානු හමුදාව විසින් ඉරානයේ භූගත හමුදා මධ්යස්ථාන ඉලක්ක කර ප්රහාර එල්ල කර ඇති බවට විදෙස් වාර්තා පවසයි.
----------------------------
Update - 7.58 AM
අමෙරිකාව සමඟ ඉරානය පණිවිඩ හුවමාරු කරගනිමින් සිටින බවත් යුද්ධයේ අවසානයක් පෙනෙන්නට ඇති බවත් අමෙරිකානු රාජ්ය ලේකම් මාර්කෝ රුබියෝ පවසයි.
ඔහු වැඩිදුරටත් සඳහන් කර ඇත්තේ, යුද්ධය සඳහා වැඩි කාලයක් ලබාගැනීමේ අදහසින් ඉරානය සිදුකරන ව්යාජ සාකච්ඡාවන්ට කිසිවිටෙකත් අමෙරිකාව ඉඩනොදෙන බවය.
.................................
Update - 6.30AM
ඉරානය යුද්ධය පරාජයට පත්වෙමින් සිටින බව අමෙරිකානු ජනාධිපති ඩොනල්ඩ් ට්රම්ප් පවසයි.
විදෙස් වාර්තා සඳහන් කළේ ඉරානය ගිවිසුමකට එළැඹෙන ලෙස අයැද සිටින බව ඇමෙරිකානු ජනාධිපතිවරයා පවසා ඇත.
ඉරානයට න්යෂ්ටික අවියක් ගොඩනගා ගත නොහැකි බවට සහතික වූ විට අමෙරිකාව යුද්ධය අවසන් කරන බවද ඔහු සඳහන් කරයි.
අමෙරිකාව දෙසතියකින් හෝ සති 3 කින් යුද්ධයෙන් ඉවත්වන බවද ඇමෙරිකානු ජනාධිපතිවරයා පවසා තිබේ.
මේ අතර ඉරාන ප්රහාරවලට එරෙහිව ආරක්ෂක ක්රියාමාර්ග සඳහා තවත් බ්රිතාන්ය හමුදා සහ එක්සත් රාජධානියේ ගුවන් ආරක්ෂක පද්ධති මැද පෙරදිගට යොදවා ඇත.
මේ අතර ඉරාන ජනාධිපති මසූඩ් පෙසෙෂ්කියන් පවසන්නේ යම් යම් අවශ්යතා සපුරාලන තෙක් අමෙරිකාව සහ ඊශ්රායලය සමඟ යුද්ධය අවසන් කිරීමට ඉරානයට අවශ්ය නොවන බවය.
අනාගත ආක්රමණයක් නැවත ඇතිවීම වැළැක්වීම සඳහා "අනිවාර්ය සහතිකයක් " ඇතුළත් විය යුතු බව ඔහු පවසා ඇත.
