අද (23) දිනයේ බස් යම්කිසි ප්රමාණයක් ධාවනය වුවත් ඇතැම් ප්රදේශවල බස් ධාවනයේ අඩුවක් දක්නට ලැබෙන බව ජාතික ගමනා ගමන කොමිෂන් සභාවේ, අධ්යක්ෂ ජනරාල්, ආචාර්ය නිලාන් මිරැන්ඩා මහතා පවසයි.
අධිවේගී මාර්ගවල සම්පූර්ණයෙන්ම බස් ධාවනය අඩාල වී ඇති අතර, මගීන් සාමාන්ය මාර්ගවල ගමන් කිරීමට පෙළඹී ඇතැයි ද ඒ මහතා කියා සිටියේය.
අද (23) දිනයේ ලංගම බස් රථ සියල්ල ධාවනයේ යෙදෙන බවත් පෞද්ගලික බස් රථවල අඩුවක් දක්නට ලැබෙන බවද මිලාන් මිරැන්ඩා මහතා පැවසීය.
ජාතික ගමනා ගමන කොමිෂන් සභාව විසින් සකස් කරන ලද බස් ගාස්තු සංශෝධනය අද සවස අමාත්ය මණ්ඩලය හමුවට යොමු කරන අතර, ඒ අනුව අනුමැතිය හිමි වූ වහාම එය දැනුම් දෙන බවද ඒ මහතා කියා සිටියේය.
10%කට වඩා වැඩි ප්රමාණයකින් බස් ගාස්තුව වැඩි වීමට කොමිෂන් සභාව අනුමැතිය ඉල්ලූ බවද පැවසූ මිලාන් මිරැන්ඩා මහතා බස් ගාස්තුව අවම ගාස්තුවේ සිට උපරිම ගාස්තුව දක්වා වූ බස් ගාස්තු 350ක් සකස් කර ඇති බවද පැවසීය.
