ආයුර්වේද වෛද්ය පීඨයන්ගේ පවතින ගැටළු විසදීම පිළිබඳව විශේෂ සාකච්ජාවක් සෞඛ්ය හා ජනමාධ්ය අමාත්යාංශයේ දී පවත්වා තිබේ.
සෞඛ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් සහ අධ්යාපන හා උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න මහතාගේ සහභාගීත්වයෙන් මෙම සාකච්ඡාව පවත්වා ඇති බව සෞඛ්ය අමාත්යංශය පැවසුවේය.
එහිදී මෙරට රාජ්ය විශ්වවිද්යාලයන්හි දේශීය වෛද්ය උපාධි පාඨමාලාවලට අදාළ සායනික පුහුණුව විධිමත් කිරීම, ආයුර්වේද, සිද්ධ හා යුනානි සිසුන්ගේ සීමාවාසික පුහුණුව පිළිබද පවතින ගැටළු පිළිබදව සාකච්ඡාවට ලක් කර ඇත.
ඒ අනුව අදාළ ගැටලු සඳහා කඩිනමින් විසදුම් ලබාදීමට ඇති හැකියාව පිළිබදව එම සාකච්ඡාවේ දී වැඩි අවධානයක් යොමු වී ඇති බව සඳහන් වේ.
සම්පූර්ණ නිවේදනය පහතින්,
ආයුර්වේද වෛද්ය පීඨයන්ගේ පවතින ගැටලු විසඳීම පිළිබඳව සෞඛ්ය හා ජනමාධ්ය අමාත්යවරයාගේ ප්රධානත්වයෙන් විශේෂ සාකච්ඡාවක්
මෙරට රාජ්ය විශ්ව විද්යාල පද්ධතියේ ආයුර්වේද වෛද්ය පීඨයන්ගේ පවතින ගැටලු විමසා බැලීමේ හා එම ගැටලු සඳහා විසදුම් ලබාදීමේ අරමුණින් විශේෂ සාකච්ජාවක් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් සහ අධ්යාපන හා උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න මහතාගේ සහභාගීත්වයෙන් පසුගියදා සෞඛ්ය හා ජනමාධ්ය අමාත්යාංශයේ දී පැවැත්විණි.
මෙරට රාජ්ය විශ්ව විද්යාලයන් හි දේශීය වෛද්ය උපාධි පාඨමාලාවලට අදාළ සායනික පුහුණුව විධිමත් කිරීම, ආයුර්වේද, සිද්ධ හා යුනානි සිසුන්ගේ සීමාවාසික පුහුණුව, දේශීය වෛද්ය පාඨමාලා හැදෑරූ සිසුන් රැකියා සදහා යොමු කිරීම, සිද්ධ වෛද්ය විද්යාවේ ඖෂධ සම්බන්ධ ගැටළු විමසා බැලීම ආදී කරුණු කිහිපයක් ප්රමුඛ කොට එම ක්ෂේත්රයටම අඳාළ කරුණු රාශියක් පිළිබදව මෙහි දී දීර්ඝව සාකච්ජා සිදු කරන ලදි.
විසදුම් ලබා දිය හැකි ගැටලු රැසක් සඳහා එම අවස්ථාවේම නිලධාරීන් සමග සාකච්ජා කොට විසදුම් ලබාදීමට සෞඛ්ය හා ජනමාධ්ය අමාත්යවරයා පියවර ගත් අතර, තවත් කරුණු ගණනාවක් සදහා කඩිනමින් විසදුම් ලබාදීමට ඇති හැකියාව පිළිබදව ද අමාත්යවරයා මෙහි දී සොයා බලන ලදී.
මෙම සාකච්ඡාව සඳහා එක් වූ ශිෂ්ය නියෝජිතයින්ට තම අදහස් හා යෝජනා සෘජුවම අමාත්යවරයා වෙත ඉදිරිපත් කිරීමට අවස්ථාව හිමි වූ අතර, එහි දී ශිෂ්ය සංගම් ඇතුළුව සාකච්ඡාවට සහභාගි වූ ශිෂ්ය නියෝජිතයින් සිය අදහස් හා යෝජනා රැසක් ඉතා සුහඳව අමාත්යවරයා වෙත ඉදිරිපත් කිරිමට කටයුතු කිරීම විශේෂත්වයකි.
සෞඛ්ය හා ජනමාධ්ය අමාත්යාංශය, අධ්යාපන හා උසස් අධ්යාපන අමාත්යාංශය, විශ්ව විද්යාල ප්රතිපාදන කොමිෂන් සභාව, ආයුර්වේද දෙපාර්තුමේන්තුව, දේශීය වෛද්ය ක්රම පිළිබඳ ජාතික ආයතනය, නියෝජනය කරමින් නිලධාරීන් මෙන්ම කොළඹ, ගම්පහ වික්රමාරච්චි, යාපනය සහ නැගෙනහිර යන විශ්ව විද්යාලවල දේශීය වෛද්ය පීඨයන්හි පීඨාධිපතිවරුන්, එම විශ්ව විද්යාලවල ආයුර්වේද වෛද්ය ශිෂ්ය නියෝජිතයන් ඇතුළු පිරිසක් මෙම සාකච්ජාව සදහා එක්ව සිටියහ.
- සෞඛ්ය හා ජනමාධ්ය අමාත්යංශය.
