උණුසුම් පුවත්
අයිස් කිලෝ 700ක් මෙරටට රැගෙන ආ බවට සැක ධීවර යාත්රා හිමිකරුවෙක් අත්අඩංගුවට
Oct 02, 202510:29 AM
තංගල්ල සීනිමෝදර ප්රදේශයේදී සොයාගත් කිලෝග්රෑම් 700කට අධික මත්ද්රව්ය තොගය මෙරටට රැගෙන ආ බව කියන ධීවර යාත්රාවක හිමිකරුවෙකු පොලීසිය විසින් අත්අඩංගුවට ගෙන තිබේ.
පොලිස් මත්ද්රව්ය නාශක කාර්යාංශය විසින් සිදුකළ වැටලීමකදී මෙම සැකකරු අත්අඩංගුවට ගෙන ඇති බව පොලීසිය සඳහන් කළේය.
තංගල්ල සීනිමෝදර ප්රදේශයේ ලොරි රථ තුනක තිබී හෙරොයින් සහ අයිස් මත්ද්රව්ය කිලෝග්රෑම් 700කට අධික ප්රමාණයක් පසුගියදා පොලීසිය විසින් සොයාගනු ලැබීය.
අදාළ මත්ද්රව්ය තොගය විදෙස් රටක සිට ටෝලර් යාත්රාවකින් ගෙනවිත් කුඩා ධීවර යාත්රාවකින් මෙරටට රැගෙනවිත් ඇති බවට මේ වන විට තොරතුරු අනාවරණය වී තිබේ.
එම කුඩා යාත්රාවේ හිමිකරු මෙලෙස අත්අඩංගුවට ගෙන ඇති බව පොලීසිය සඳහන් කළේය.
