කාන්තා එක්දින ලෝක කුසලාන ක්රිකට් තරගාවලියේ ශ්රී ලංකාව සහ ඉන්දියාව අතර තරගය මේ වනවිට ඉන්දියාවේ ගුවහාති හිදි පැවැත්වෙයි.
එම තරගයේ පළමුව පන්දුවට පහරදුන් ඉන්දීය කාන්තා කණ්ඩායම නියමිත පන්දුවාර 47 අවසානයේ කඩුලු 8ක් දැවී ලකුණු 269ක් රැස්කළේය.
තරගයේ කාසියේ වාසිය දිනාගත් ශ්රී ලංකා කාන්තා කණ්ඩායමේ නායිකා චමරි අතපත්තුගේ තීරණය වුයේ පළමුව පන්දු රැකීමටය.
ඒ අනුව පළමුව පන්දුවට පහරදීමට පැමිණි ඉන්දිය කණ්ඩායමේ පළමු කඩුල්ල ලකුණු 8ක් ලබාසිටි ස්මෘති මන්දනාව දවාගන්නට ශ්රී ලංකා ක්රීඩිකාවන් සමත් වුණි.
කෙසේ වෙතත් ඉන්දීය ඉනිම අතරතුර තරගයට වර්ෂාවෙන් බාධා එල්ල වීම නිසා තරගයේ එක් ඉනිමක් පන්දුවාර 47කට සීමාකෙරුණි.
හාර්ලීන් ඩියෝල් ලකුණු 48කට සහ නායිකා හර්මන්ප්රීත් කෞර්ගේ ඉනිම ලකුණු 21කට සීමාකරන්නට ඉනෝකා රණවීර සමත් වුණි.
ඉන්දීය බනිම වෙනුවෙන් සුපිරි පිතිහරඹයක නිරතවූ අමන්ජොත් කෞර් ලකුණු 57ක් රැස්කළ අතර දීප්ති ෂර්මා නොදැවී ලකුණු 53 රැස්කිරීමට සමත්විය.
ශ්රී ලංකාව වෙනුවෙන් විශිෂ්ට පන්දු යැවීමක නිරත වූ 39 හැවිරිදි ඉනෝකා රණවීර ලකුණු 46කට කඩුලු 4ක් දවාගත්තාය.
ඒ අනුව ජාත්යන්තර එක්දින කාන්තා ක්රිකට් පිටියේ කඩුලු 04ක් දවාගත් දෙවන වයස්ගතම ක්රීඩිකාව බවට ඇය පත්විය
තරගය ජයගැනීම සඳහා ඩක්වත් ලුවිස් න්යායට අනුව ශ්රී ලංකා කාන්තා කණ්ඩායමට හිමිවී ඇති ඉලක්කය 271කි.
