ඉරානයෙන් තෙල් මිල දී ගැනීමෙන් වැළකී සිටින ලෙස අමෙරිකා එක්සත් ජනපදය ප්රමුඛ බටහිර රටවල් ලොව පුරා සියලු රටවලට දැනුම් දී තිබේ.
ඉරානයේ න්යෂ්ටික වැඩපිළිවෙලට විරෝධය පළකිරීම එහි අරමුණ බව කියැවෙයි.
ඒ අනුව ශ්රී ලංකාවට ද එම දැනුම් දීම සිදු කර ඇති බව වාර්තා වේ.
මේ පිළිබඳව කළ විමසීමක දී ඛනිජ තෙල් සංවර්ධන අමාත්ය සුසිල් ප්රේමජයන්ත් මහතා කියා සිටියේ ඉන්ධන ආනයනය සඳහා ඇති විකල්ප කෙරෙහි අවධානය යොමු කර ඇති බවයි.
ශ්රී ලංකාවද තෙල් ආනයනය කරන ප්රධාන රට වන්නේ ඉරානයයි.
1960 දශකයේ පමණ ස්ථාපිත සපුගස්කන්ද තෙල් පිරිපහදුව මඟින් පිරිපහදුවට ලක් කළ හැකි බොරතෙල් ලබා ගත හැක්කේ ඉරානය සහ සෞදි අරාබියෙන් පමණක් වීම විශේෂත්වයකි.
අදාළ පිරිපහදුව මඟින් සෙසු රටවලින් ලබා ගන්නා බොර තෙල් පිරිසිදු කිරීමේ හැකියාව පහල මට්ටමක පවතියි.
කෙසේ වුව ද ඉදිරියේ දී ඕමානය සහ කටාර් වැනි රාජ්යයන් වලින් බොරතෙල් ආනයනය පිළිබඳ අවධානය යොමු කරන බව විෂය භාර අමාත්යවරයා ප්රකාශ කර ඇත.
