උණුසුම් පුවත්
මහනුවර යළිත් ඇවිළෙයි-දැනුම්දෙන තුරු යළිත් ඇදිරි නීතිය
Mar 07, 201811:02 AM
වහාම ක්රියාත්මක වන පරිදි මහනුවර පරිපාලන දිස්ත්රික්කයට යළිත් පොලිස් ඇදිරි නීතිය පනවා තිබේ.
පොලිස් මාධ්ය ප්රකාශක පොලිස් අධිකාරී රුවන් ගුණසේකර මහතා සඳහන් කළේ නැවත දැනුම්දෙන තුරු එම ප්රදේශයට පොලිස් ඇදිරි නීතිය බල පැවැත්වෙන බවයි.
පසුගියදා ඇති වූ කලහකාරී සිද්ධියෙන් පසු ප්රදේශයේ ආරක්ෂාව තහවුරු කිරීමේ අරමුණින් මෙම පියවර ගෙන තිබේ.
මේ වන විට පොලීසියට අමතරව පොලිස් විශේෂ කාර්ය බලකාය, යුධ හමුදාව, විශේෂ කාර්ය බලකාය සහ පොලිස් කැරලි මර්ධන කණ්ඩායම් මහනුවර සහ අවට ප්රදේශවලට යොදවා ඇති බව ආරක්ෂක අංශ සඳහන් කළේය.
අද දෙරණ කළ විමසීමකට පිළිතුරු දෙමින් පොලිස් විශේෂ කාර්ය බලකාය භාර අණදෙන නිලධාරී ජ්යේෂ්ඨ නියෝජ්ය පොලිස්පති එම්.ආර්.ලතීෆ් මහතා සඳහන් කළේ ප්රදේශයට අවශ්ය උපරිම ආරක්ෂාව යෙදවීමට පියවර ගෙන ඇති බවයි.
ඊයේ දිනයේදී අපරාධ පරීක්ෂණ දෙපාර්තමේන්තු නිලධාරීන් කණ්ඩායමක්ද අදාළ ප්රදේශයට පිටත් කර හැරීමට පොලිස්පතිවරයා පියවර ගත්තේය.
ඒ අනුව එම නිලධාරීන් අද උදෑසන සිට සිය විමර්ශන කටයුතු ආරම්භ කර ඇති අතර ඇති වූ කලහකාරී සිද්ධිය පිලිබඳව මේ වන විට ඔවුන් පුද්ගලයින් කිහිප දෙනෙකුගෙන් ප්රකාශ සටහන් කරගෙන තිබේ.
