උණුසුම් පුවත්
අද ඉදන් කෑන්වලට, බූලිවලට තෙල් නෑ-වාහනේ රැගෙන යාම අත්යවශ්යයි
Nov 07, 201708:36 AM
වාහනවලට හැර වෙනත් ආකාරයකට පෙට්රල් නිකුත් කිරීම වලක්වාලමින් සියලු ඉන්ධනහල් සඳහා ඛනිජ තෙල් සම්පත් සංවර්ධන අමාත්යංශය චක්රලේඛයක් නිකුත් කර තිබේ.
ඛනිජ තෙල් සම්පත් සංවර්ධන අමාත්යංශ ලේකම් උපාලි මාරසිංහ මහතා සඳහන් කළේ ඉන්ධන කළමනාකරණය කළ යුතු අවස්ථාවක විවිධ පුද්ගලයින් බෝතල්, කෑන් සහ වෙනත් භාජනවලට පෙට්රල් එක්රැස් කිරීමට කටයුතු කිරීමේ නිරතව සිටිනු දක්නට ලැබුණු බවයි.
වාහනවලට නිකුත් කිරීමට තිබූ ඉන්ධන ප්රමාණයෙන් කොටසක් මේ ආකාරයෙන් විවිධ පුද්ගලයින් මිලදී ගැනීම හේතුවෙන් ඉන්ධනහල් අසළ අනවශ්ය ආකාරයෙන් දිගු පෝළිම් නිර්මාණය වූ බව අමාත්යංශ ලේකම්වරයා සඳහන් කළේය.
මේ හේතුවෙන් පවතින තත්ත්වය සමනය වන තුරු වාහනවලට පමණක් පෙට්රල් නිකුත් කිරීමට කටයුතු කරන ලෙස ඉන්ධනහල් වෙත අදාළ චක්රලේඛය නිකුත් කර ඇති අතර යම් හෙයකින් ඊට පටහැනිව කටයුතු කළහොත් ඇතිවන
අහිතකර ප්රතිඵල සම්බන්ධයෙන් අදාළ ඉන්ධනහල් හිමියන් එහි වගකීම බාරගත යුතු බව ඔහු සඳහන් කළේය.
මේ අතර අද දිනයේත් ඉන්ධනහල් ඉදිරිපිට දිගු පෝළිම් දක්නට ලැබුණි.
