දිවුලපිටිය, වෑවගෙදර ප්‍රදේශයේ කර්මාන්ත ශාලාවක ගින්නක් හටගෙන තිබේ.

අනුරාධපුර නගර සැලැස්ම පිළිබඳ දැනුවත්කිරීම සඳහා විශේෂ මාධ්‍ය හමුවක් හෙට(16) දිනයේ පැවැත්වීමට නියමිතව තිබේ.

2027 අයවැයෙන් සෞඛ්‍ය වෘත්තිකයන්ගේ දීමනා සංශෝධනය කිරීමේදී 2024 වසරේදී රජය සමග ඇති එකඟතා නොසලකා හැරීමෙන් ඇතිවී තිබෙන බරපතළ අසාධාරණයක් සිදුව ඇති බව සෞඛ්‍ය වෘත්තීයවේදීන්ගේ සම්මේලනය පවසයි.

ඉන්දියාවේ මෙගාවොට් 57ක විදුලි බලාගාරයක් ඉදිකිරීම සඳහා අමෙරිකානු ඩොලර් මිලියන 75ක කොන්ත්‍රාත්තුවක් හිමිකර ගැනීමට ශ්‍රී ලංකාවේ ලක්දනවි සමාගම සමත්ව තිබේ.

උඩදුම්බර, කරඹකැටිය ප්‍රදේශයේ කඳු මුදුනක පිහිටි ගල්ගුහාවක රැඳී සිටියදී දරුවෙකු ප්‍රසූත කළ 15 හැවිරිදි දැරියගේ සිද්ධිය සම්බන්ධයෙන් සැකපිට අත්අඩංගුවට ගත්, බිළිඳාගේ පියා බව කියන 23 හැවිරිදි සැකකරු රුපියල් ලක්ෂ පහක ශරීර ඇපය මත මුදා හැර තිබේ.

2027 වර්ෂය සඳහා ඉදිරිපත් කළ අයවැයට විරෝධය පළ කරමින් වෘත්තීය සමිති ක්‍රියාමාර්ගවල නිරත වීමට රජයේ වෘත්තීය සමිති රැසක් තීරණය කර තිබේ.

ලෝකය පුරා විසිරී සිටින ශ්‍රී ලාංකික ව්‍යවසායකයින් සහ වෘත්තිකයින් එකම ඩිජිටල් වේදිකාවකට ගෙන එන Global Lankan Entrepreneur Club හෙවත් GLEC ඩිජිටල් වේදිකාව එළිදැක්වීම අද (15) කොළඹදී සිදුකෙරුණි.

මෙම වසරේ පළමු මාස 8 තුළ බදු නොවන ආදායම පෙර වසරේ එම කාලයට සාපේක්ෂව වර්ධනය වී තිබේ.

ශ්‍රී ලංකා තාක්ෂණ සේවයේ තනතුරුවලට අයත් රාජකාරී වෙනත් සේවාවලට අයත් නිළධාරීන් වෙත පැවරීමෙන් වළකින ලෙස රාජ්‍ය පරිපාලන පළාත් සභා හා පළාත් පාලන අමාත්‍යංශය දැනුම් දී තිබේ.

ගිනිකොන දිග බෙංගාල බොක්ක මුහුදු ප්‍රදේශයේ යාත්‍රා කරන බහුදින ධීවර යාත්‍රා සහ කන්කසන්තුරය සිට ත්‍රිකුණාමලය, පොතුවිල් හරහා හම්බන්තොට දක්වා වෙරළට ඔබ්බෙන්වන මුහුදු ප්‍රදේශ සඳහා කාලගුණවිද්‍යා දෙපාර්තමේන්තුව විසින් අනතුරු ඇඟවීමේ රතු නිවේදනයක් නිකුත් කර තිබේ.

රුපියල් ලක්ෂ විසිඑකකට අධික ගංජා පැළ සමඟ සැකකරුවෙකු මොනරාගල, හම්බේගමුව ප්‍රදේශයේදී අත්අඩංගුවට ගෙන තිබේ.

රාජ්‍ය සේවයේ පශු වෛද්‍ය නිලධාරීන්ගේ හිඟය, පහසුකම් නොමැතිකම, අයවැයෙන් සුදුසු දීමනා ලබා නොදීම ඇතුළු ගැටලු කිහිපයක් මුල්කර ගනිමින් නොවැම්බර් 17 වැනිදා ලෙඩ නිවාඩු වාර්තා කිරීමට තීරණය කළ බව රජයේ පශු වෛද්‍යවරුන්ගේ සංගමය පවසයි.