ඉන්දියාව සහ නවසීලන්තය අතර ඓතිහාසික නිදහස් වෙළෙඳ ගිවිසුම මගින් දෙරට අතර ආර්ථික සබඳතා වඩාත් ශක්තිමත් කෙරෙන බව ඉන්දීය මාධ්ය වාර්තා කරයි.
වෙළඳපොළ ප්රවේශය, ආයෝජන, සේවා, තාක්ෂණය සහ ශ්රම යන ක්ෂේත්රයන්හි නව අවස්ථා රැසක් ඒ හරහා උදාවන බවද ඉන්දීය අග්රාමාත්ය නරේන්ද්ර මෝදි පවසා ඇතැයි ඉන්දීය මාධ්ය පවසයි.
ඉන්දියාව සහ නවසීලන්තය ද්විපාර්ශ්වික සබඳතා උපායමාර්ගික මට්ටමට වර්ධනය කරගැනීමත් සමග 2030 වන විට ඉන්දීය රුපියල් කෝටි 35,000ක වෙළඳාමක් ඉලක්ක කරයි.
සිය නවසීලන්ත නිල සංචාරය අතරතුර එරට ප්රමුඛ පෙළේ ප්රධාන විධායක නිලධාරීන් සහ ව්යාපාරිකයින් පිරිසක් අමතමින් අග්රාමාත්යවරයා පෙන්වාදී ඇත්තේ දෙරට අතර ඇති වන මෙම ශක්තිමත් ආර්ථික හවුල්කාරිත්වය ව්යාපාරිකයින්ට, නවෝත්පාදකයින්ට මෙන්ම තරුණ පරපුරට ද අතිශය වාසිදායක වනු ඇති බවය.
නවසීලන්ත අග්රාමාත්යවරයා සමඟ පැවැත්වූ පුළුල් ද්විපාර්ශ්වික සාකච්ඡාවලින් අනතුරුව මෝදි මෙම අදහස් පළකර තිබේ.
ආර්ථික හා ආරක්ෂක සහයෝගීතාව පුළුල් කිරීම අරමුණු කරගත් රටවල් 3 ක සංචාරයේ අවසන් අදියර සනිටුහන් කරමින් අග්රාමාත්ය මෝදි නවසීලන්තයට පැමිණ තිබුණි.
